barlagcy
06.08.2020 13:54
Ýaňaklary läläm, pisse dahanym,
Men döner men, köňlüm dönmez ýar senden;
Roýy gül-benewşäm, toty suhanym,
Men döner men, köňlüm dönmez ýar senden;
Perhat «Şirin» diýip, munça gezendir,
Mejnun, Leýli sütemine dözendir,
Diýmegil: «Ýar menden elin üzendir»,
Men döner men, köňlüm dönmez ýar senden;
Çykmak bolmaz ýaradanyň emrinden,
Adamzatdyr, görer biri-birinden,
Ölen aşyk ýokdur magşuk jebrinden,
Men döner men, köňlüm dönmez ýar senden;
Bu ýalan jahanda sen-sen daýanjym,
Göwherim, hazynam, magdanym, genjim,
Maksadym, myradym, köňül güýmenjim,
Men döner men, köňlüm dönmez ýar senden;
Zelili diýr, meniň Döndi hanym sen,
Jesedim içinde şirin janym sen,
Gyýmazym, dözmezim, mähribanym sen,
Men döner men,köňlüm dönmez ýar senden.
Gurbandurdy Zelili
18
200
barlagcy
05.08.2020 15:37
Söýgüde ädigem zerur
Bilemok, nämüçin ýatdan çykanok,
ÝA başga ýatlama tükenäýdimi?
On bäş ýyl soň ýene düýşüme girdi,
Polýak ussalarnyň tiken ädigi.
Mollamurtuň «Nesihatyn» ýat tutup, Ekzamene taýynlanýan wagtymyz.
Satylýar — diýdiler — modaly ädik,
Beýle ädik — ýetginjegiň bagtydyr.
«Nesihat», ekzamen huşumdan uçdy,
«Birini alaýyn nädiibem bolsa.
Şo gyz meni söýer — diýdim içimden,
— — Geýer ýaly gowy ädigim bolsa.
Bir gowy gyz bardy, biçak owadan, Klasdaşlar bolup, şony söýdük biz. Dostum şol ädigi alan dessine,
Bagtym menden ýüz öwrendir öýdüpdim.
Gowy ädik nesibämde ýok eken,
Hatda aýagma-da görmedim deňäp.
Başga oba göçüp gitdi ol gyz hem,
Näme sebäp boldy, bilmedim men-ä.
Henizlerem söýýänrin şol gözeli,
Kalbymda dogadyr, möhriban ady.
Durmuşda bu, dostlar, erkiň ýetenok,
Käte ol gysganýar bolgusyz zada.
Ynjalyk berenok, ýatdan çykanok, Ykbalyňdan bir zat gädilen bolsa. Göwnüme bolmasa, söýjekdi-le şol
Illeriňki ýaly ädigim bolsa.
Çary Ýegenmyradow
17
349
barlagcy
01.08.2020 17:21
Ejemiň gyzgynjak elinden tutup,
Duýman barýan ýoluň büdür-südürin.
Diýýän: «Eje, men seň akyl gyzyňmy?!»,
– «Hawa-la, tokarjam, hawa, küdürim!
Sen meň akyl gyzym, sen meň ýüregim,
Saňa bagly umytlarmyň wysaly.
Sen meň arzuwlarym, sen meň dilegim,
Dogduň durmuşymda Güneş mysaly.
Men görmesem, meni gören göz görer,
Pynhan arzuwlarmy gülledeniňi.
Men bolmaryn, kän-kän zatlar özgerer,
Bilersiň içimi hümledenimi.
Sebäbi sen gyzym, kalbym parçasy,
Ejäniň halyna düşüner gyzy…».
Uçdy birden gül ömrümiň syrçasy,
Gözýaşa gömüldi ýatlamaň yzy.
Kän zatlar özgerdi, utulup, utup,
Bildim maňa mähriň galkandygyny.
Eje, bilen bolsam eliňden tutup,
Bilmezdim bu ýollaň çarkandagyny…
Gulsirin Hanowa
15
381
barlagcy
29.07.2020 19:13
GUTARYLMADYK GOŞGULARYM
Ine, bu goşgymda ejem pahyr bar,
Bu goşguda bolsa, galam gaşly gyz.
Elim degen çagy elime alýan,
Şol hem bular bilen salamlaşdygym.
Bu ýerde şapagyň altyn şöhlesi,
Ýowşan ysly ýaýla düşýär endigan.
Bärde bolsa bir gül — azatlyk küýsän, Porsy ýerzeminde otyr bendiwan.
Ony erkinlige çykarmalydym,
Ýerzemini sowuk, çygly hem zeýli.
Emma, maňa päsgel berdi hemişe,
Has ajaýyp zatlar döretmek meýli.
Wah, ejeler ýagdaýyňa düşünýär,
Senem düşünjek bol, galam gaşly gyz. Meni örteýän zat, bu goşgularyň
Bir maýyp görgülä çalymdaşlygy.
Çary Ýegenmuradow
14
726
barlagcy
28.07.2020 18:46
Alty ganat ak öýler,
Üstünde güneş oýnar,
Ýarsyz sowulan toýlar.
Giň dünýe daralypdyr.
*
Gazlar geler howlukmaz,
Ýazlar geler – gowluk bar,
Güýzler gider sowluplar,
Giň dünýe saralypdyr.
*
Guşlar kakar heşelle,
Bag – olara düşelge,
Gyşlar gelip düşerler,
Guşlardan ar alyplar.
*
Asman ýyldyzlary bar,
Zemin gündizleri bar,
Adam diýen gudrat bar
Şu iki aralykda.
12
534
