akmedowa dursun
15.06.2023 00:03
Ýagşylar ir gidýär neçüýn
dünýäden
4
22
0
akmedowa dursun
11.06.2023 01:37
Bilmedim
12
84
8
akmedowa dursun
05.06.2023 15:08
Geçer
9
42
0
akmedowa dursun
31.05.2023 13:21
Dolansana çagalygym bir
pursat
13
64
2
akmedowa dursun
29.05.2023 16:29
Ömür
Bir pursat unudyp bu dünýäñ gamyn,
Ýylgyryñ ezizler ýylgyryñ bu gün.
Durmuş egne berse-de öz agramyn,
Ak bolsun ýürekler, giñ bolsun göwün.
Ýykmalyñ hiç bir-biregiñ göwnüni,
Paýlalyñ ýylgyryş süýji söz bilen.
Bilip bolmaz ahyr ömrüñ soñuny,
Hakyñ özi berdi şol bolar alan.
Kim bilýär bu günki gören adamyñ,
Ertir alar belki soñky demini.
Ýanynda bol gözläninde hemdemin,
Soñ ökünip edäýme puşmanyñy.
Wagt barka bir-biregiñ gadyryn,
Ýalançyda mydam bilip ýaşalyñ.
Geçer, geçer gider bu gysga ömrüñ,
Çyndan gülüp, çyn ýürekden joşalyñ.
Garaşsa-da öñde synagly ýollar,
Garşylalyñ ony güler ýüz bilen.
Bizi ejizledip bilmesin olar,
Soñunda-da bolarys bagty çüwen.
Akmedowa Dursun
8
54
1
akmedowa dursun
28.05.2023 01:29
Mertlige tagzym
Hañlap duran boş jaýyñ ortasynda köneje ýorgany başyna çekip ýatan adam käte bir bolaýmasa, köpden bäri daşda-içde görnenokdy. Howlusynyñ içi öýündenem ýürekgysgynçdy. Oñly girim-çykym bolmansoñ, birlän-ikilän gapyñ agzynda biten hem-de mellekdäki dyza ýeteñkirläp, saralyp başlan otlar howlyny hasam gözgyny görkezýärdi. Birden gezip ýören awara şemal äpişgäniñ döwük gözünden kürsäp girdi-de, ony arkanlygyna serpip goýberdi.Şakyrda zähresi ýarylan öý eýesi lañña galyp, dik oturdy. Ol şol oturşyna hol yzda galan-bagtly bolan süýji günlerini ýatlap, öz-özüne teselli berjek bolup şubela jan etdi. Ýöne başarmady. Berdiniñ gum dykylan ýaly bolup, güwläp duran kellesinde ýene-de şol öñki-ýarym ýyl bäri beýnisini iýip barýan pikirler terslin-oñlyn at salyp başlady. "Deñ-duşlarym ogluny öýerip, gyz çykardylar. Agtyk söýüp ýörler.Maña o bagtlaryñ birem nesip etmedi. Öz külbämi öz elim bilen dargadyp, ynha, indem iki ogully, iki gyzly halyma tüwmaýak bolup otyryn-a men. Wah-wah balajylarymy sülgüniñ jüýjesi ýaly dyr-pytrak etdim-dä. Olar ataly ýetim bolup, daýylarynyñ çöregini iýip ulaldylar. Gülälek görgüli nätdikä? Oglumyzyñ ulusyn-a öýerensiñ, Gülälek! Uly gyzymyzam ýetişip ýörendir, wiý ýogsa-da şol näçe ýaşadykan-a? Heý dolanmazmykalar? Aý, ýok-la. Nämüçin gelsinler?! Menden eşret gördülermi ýa eklenç- gazanç iýdirdimmi? Sandan gslamsoñ, düzelemde näme?! Çülpe çagalaryñ keşigini Gülälegiñ gerdenina atyp, indem ählisiniñ ýetişip, eliniñ işe, agzynyñ aşa ýeten wagty nä ýüzüme olara görneýin. Gülälek sen geçirimli gelindiñ-ä, arkalydyñ-a. Özüñ bagyşlaýmasañ, çagalar-a bilmedim-dä..."
...Berdiniñ bagtyna gelni Gülälek "baran öýüniñ ody bilen girip, küli bilen çykýa" diýilýän maşgala boldy. Diline almasa-da, gelniniñ bir diýenini iki aýtdyrman, hyzmat edişine, hasam ýarawsyz ejesiniñ göwnüni tapjak bolup azara galyşyna daşyndan guwanardy. Ýöne Berdi bu bagty uzak göterinip bilmedi, içmäni çykardy. Asla, onuñ üçin dünýäniñ bar gyzygy, oýun-şatlygy çüýşe bilen bulgurda jemlenen ýaly bolaýdy. Aýlyk-günlüginden öýe kör-köpügem getirmezdi, küýi-köçesi içgidi. Onuñ üstesin-de gün gijigiberdigi öýdäkiler edil ýagy geljek ýaly ýaýdanyşyp ugrardylar. Onsoñ öýde çagajyklaryñ şadyýan jagyl-jugulyna suw sepilen ýaly bolardy. Oña derek sehoş kakalarynyñ bazzy-buzzy edip peltekleýän samramasy eşidilip ugrardy. Mähriban kävesiniñ käýineni, naçar doganlarynyñ ynjalman, günde-günaşa gelip ýalbarmalary Berdiniñ gulagynyñ ýele ýanyndanam geçmezdi. "Jigim, sen öý-ojagyñ daşynyñ galasy bolup gorap oturmaly halyña bu, gündeki turuzýan bulagaýlygyñ näme? Bizden kiçi bolsañam, sen kakamyzyñ ornunda otyrsyñ-a. Ýeke erkek göbeklimiz sen ahyry, Berdi jan. Ejem bar diýip geläýýäs, señ derdiñden bez bolduk, ildenem utanýas" diýip, aglardylar. Şol goh-galmagally günleriñ birinde onsuzam ýarawsyz Aknur ejäniñ gan basyşy erbet ýokarlandy-da, dünýäsin täzeledi oturuberdi. Aýal doganlaram, goñşy-golamlaram, Gülälegem Berdi indi öküner, pälinden gaýdar öýtdüler. Ýöne ondan edilen tama çykmady. Käbesiniñ belli günleri sowulýança zordan çydam edip, ol ýene öñki endigine başlady. Ogluna bir-de käýýäp, bir-de höre-köşe edip, gelnine basalyk berip oturan mähriban enäniñ ýoklugy Gülälegi juda ýekesiretdi, ejizletdi. Halys çydamy gutaran gelin "bismylla" diýip, höwes bilen ãtlän bosagasyny çagajyklaryny yzyna tirkäp, terk etmãge bejbur boldy. Onsoñ Berdä içse, "içýäñ" , öýüñ ownuk-uşagyny satsa, "satýañ" diýýän ýokdy. Şonuñ üçin hem ol bada-ha içgiñ keýpi bilen bu ýitgileriñ awusynam gaty bir duýmady. "Tañryñ güni darydan kän diýileni-dä, herki zadyñ soñy barda... Ynha, indem ençeme ýyldan soñ ahmyrda-armanda bolup oturşydy.
Ol soñsuz pikirlerden ýaña bizar bolup, "Öwhh..." etdi-de, başyny galdyrdy. Garşysyndaky diwardaky ejesi görgüliniñ çañ- tozan basan keşbi oña dikanlap seredip durdy. Oña gözi düşen Berdiniñ tapsyz göwresi elenip gitdi. Ol ýerinden turup suratyñ ýanyna bardy-da, ýeñi bilen onuñ çañ-tozañlaryny süpürişdirip, şol ýerde dyzyna çökdi. Ol kalbynda köwsarlap başlan "Ejem jan, ejem-ä! Men nämeler edipdirin-ä. Meniñ gadyr bilmezligim, mesligim seniñ ömür tanapyñy gysgaltdy-da, mähribanym! Meniñ seniñ ruhuñ öñünde-de, çagalaryñ öñünde-de iki dünýe ýüzüm garadyr, käbäm! Sen gezip ýörenligiiñde men şu günlere düşüp, gara ýurtda garalyp galarmydym" diýen sözleri ulili bilen gygyryp aýdasy geldi. Ýöne gözünden suw-sil bolup akýan gözýaşlar demligine dykylyp, gursagyny ýaryp barýan bu sözleri daşyndan aýtmaga teý, maý bermedi. Ol sözleriñ indi asla geregem ýokdy... Birhaýukdan soñ ol süýrenjiräp, düşegine bardy-da, ýene-de gyşardy. Günüñ jaýyñ günbatarky äpişgesinden düşýän tylla tyglary Berdä her biri ýyla dönýän ýüregedüşgünç gijeleriñ ýene biriniñ gelýändigini ýatlatýardy. Ol irkiljiräp ýatyşyna göwnüne bolmasa, öýüñ içine zenan maşgalanyñ ýakymly ysy ýaýran, asla biriniñ dem alşam eşidilen ýaly boldy. Gözüni açsa, bu süýji düýşünden aýñalaryn öýdüp, gözüni öñküdenem berk ýumdy.
-Berdi-di-i-i, Berdi-i...
Adynyñ tutulanyny anyk eşiden öý eýesi ýalpa gözüni açdy. Ýöne görýän zatlarynyñ huşdugyny, düýşdügini bilibilmän, janserek bolup otyrdy: onuñ gapdalynda çynar ýaly ýigit bilen goltugy bäbekli gelin ýylgyryp durdy. Onýança şo-ol bir mahalky märiban ses eşidildi:
-Ynha, ogluñ bilen gelniñi getirdim, Berdi.
Agtygyña-da ejeñ pahyryñ adyny dakdym.
Nämäniñ nämedigine düşünen Berdiniñ begençden ýaña gymyldamaga-da, gürlemäge-de rowgaty galmady. Barja güýjüni jemläp, "Gülälek, seniñ şeýtjegiñi bilýärdim-ä" diýmäge zordan kuwwat tapdy. Şol pursat onuñ gözünden togalanyp gaýdan goşa düwme zenan mertligine bolan tagzymyñ nyşanydy.
Ejegyz Çaryýewa.
31
411
4
akmedowa dursun
22.05.2023 01:26
Göwün
Ynsan göwni edil bir çüýşe ýaly,
Bolar eken eger biler bolsañyz.
Çüýşe bir döwülse düzetmek ýoly,
Tapylaýmaz gepe gulak salsañyz.
Tende ýara biter ýöne hiç-haçan,
Göwündåki ýara bitmez ekeni.
Häzir-ä,şirin söz aýtmakdan geçen,
Köp görýän tersine göwni ýykany.
Men-ä haýran adamlañ boluşyna,
Nämä gerek göwünde kine goýmak.
Sebäp bolsak ýüzleriñ gülüşine,
Bolar şonda özüñ bagtly duýmak.
Dursun köp kişiden galypdy göwnüñ,
Bu gün unut indi olaryñ baryn.
Öýke-kine bilen geçmesin ömrüñ,
Kalpda öýke-kinä goýma hiç orun.
Akmedowa Dursun
10
74
5
akmedowa dursun
21.05.2023 01:40
Hemişe kalbymyz owadan
bolsun
Owadanlyk wagtlaýynça unutma,
Hemişe kalbymyz owadan bolsun.
Ýasama reñk boýag ýüzüñe sürtme,
Hemişe kalbymyz owadan bolsun.
Kalbymyz baş roly oýnar durmuşda,
Gep dälmikä diýýän daşky görnüşde,
Şonda sen galmarsyñ asla bir burçda,
Hemişe kalbymyz owadan bolsun.
Eger maslahatym alsañ sada bol,
Köneleriñ aýdanyny ýada sal,
Pikirimçe häsiýetleñ gowsy şol,
Hemişe kalbymyz owadan bolsun.
Akmedowa Dursun
11
62
0
akmedowa dursun
19.05.2023 14:25
Ýagşylyk
Eý adamlar bu bäş günlük dünýäde,
Bir-bir birege diñe ediñ ýagşylyk.
Ýagşylyk edeni goldar Allada,
Biliñ şudur bize ondan tabşyryk.
Kalbymyzy päk tutalyñ barymyz,
Ýüreklerde diñe gowulyk bolsun.
Aramyzda bolmasyn bet pällimiz,
Bet pälliler durmuş sapagyn alsyn.
Köp gördüm jahanda gowy adamy,
Elden gelen kömegini gaýgyrmaz.
Ýene gördüm içi gara nadany,
Ýykylany görse arka gaýrylmaz.
Ýamanlyga barmasyn hiç golumyz,
Niýetimiz ýagşy bolsun her işde.
Diñe süýji sözler diýsin dilimiz,
Gowulyga "Ämin" diýer perişde.
Akmedowa Dursun
8
45
1
akmedowa dursun
17.05.2023 21:19
Sähelçe mähre zar her kimiñ
göwni...
Sähelçe mähre zar her kimiñ göwni,
Muña indi-indi akyl ýetirýän.
Şoldur her kalpdaky düwni çözýän,
Mähir ýürek ýaralaryn bitirýän.
Köplenç erbet diýen adamlarymyz,
Mähir berseñ erär göwni ýag ýaly.
Mähir bilen çoýsak biz şol adamy,
Düýbünden üýtgär soñ ynsanyñ haly.
Belki ony durmuş erbet edendir,
Bilemizok biz ahyry derdini.
Mähir beriñ ýok,ýok asla gysganmañ,
Şonda dertden ýeñlär onuñ gerdeni.
Gör näçe ýürekler şirin söze zar,
Mähir berip goldalyñ bir-biregi.
Kalplardaky doñaklygy eredip,
Bolalyñ biz bir-biregiñ diregi.
Akmedowa Dursun
4
32
0
Yene yükle
