Paradise
05.08.2023 21:33
Göwün guşum uçar gider,
Kalbym bagty guçar gider,
Ömri yşka duçar eder,
Hiňlenip ýagyş ýaganda.
Kalba ekip, yşk dänesin,
Ömrüm hak ýoldan dänmesin.
Baglaryň kakýan lälesin,
Diňleýip ýagyş ýaganda.
Söýgüsin ýat eýlär jahyl,
Duýguly dünýäde şahyr,
Kä gussany myhman çagy:r,
Diňmeýip ýagyş ýaganda.
Örtünip ýaşyl öýmesin,
Sähra ýetirer öwgüsin.
Asman Zemine söýgüsin,
Dillenip ýagyş ýaganda.
Kän munda almaga ybrat.
Ýaşlykdadyr güýçli gurbat.
Geler Ýere Hakdan gudrat,
Derleýip ýagyş ýaganda.
Ýeňiş ýatdyr tekepbire,
Köňül baglanar tedbire,
Gaçyp bolmajak takdyra,
Ten berip ýagyş ýaganda.
28
121
Paradise
04.08.2023 19:24
Ýanyp duran hyjuwy dek jahylyñ,
Hakykat ejizdir özün bukardan.
Kesdirip gylyja öz duran gynyn,
Büdretdiň göwnümi,
Bolup ýykarman.
Ýalbarsamam huzuryndan gaýtmadyň,
Ertirleri tüm görünýän şol günüň.
Sen meň syrym dostuma-da aýtmadyk,
Men seň ile berýän soňsuz gürrüňiň.
Ýoluňa ýagtylyk düşeýän güneş,
Kölegäň mazamlar del nazarlara.
Bolmanda käteler özüňe geňeş,
Ugruň Gündogarmy,
Günbatarlara?!
Mylaýym ýylgyryş, hoşamaý dide,
Owal-ahyr arzymany her kimiň.
…Aýt,
Kimsäniň syny gider sergide,
Tegmil degen peýzažyna bagtymyň.
Ýan-ýodaň bezegi elwan nagyşly
Gülleri-de basga alyp gitdiň sen.
Mertdiň welin,
Şol gezeg-ä bagyşla,
Namardyňam etmejegin etdiň sen.
21
42
Paradise
03.08.2023 18:02
Diñe söýgi ýatda galar ebedi.."
Sübseli!...Göz diker wagtyñ şemaly,
Eleginde barlyk baryn eledi.
Ümsümlik !
Pyşyrdaýar yşkyñ şemaly.
Säher, gündiz, öýlän, garañky gije,
Söýgi bolsa ýakar otyr çyrasyn,
Kim bilýär, mañlaýdan çykjak ne bije,
Eý pyşyrdy, pyşyrdaman syra siñ !
Nämälimlik ! Gürsüldeýär ýüregiñ,
Ýogsa munda sen ýok, bu bir ýatlama !...
Arşdanmy, Ýerdenmi eý, jan seregim,
Pikirleriñ külün dörýän...
Otlama!...
22
52
Paradise
03.08.2023 12:31
Saña juda meñzeşligmi ýañzydyp,
Gözlerimize hal goýupdyr Ýaradan,
Deñ gelse-de sözlerimiz, pikirmiz,
Ykbalymyz deñ däl eken gyradeñ.
Käte-käte welwet kibi göwnümiz,
Büdür-südür köçelere meñzeýär,
Bilýäs ýogsa, sap sanalgy bu ömür,
Jan ýakanña, gamlananña degmeýär.
Umydymyz, ynamymyz bir biziñ,
Aýry ýola ýoluksagam, gitsegem,
Ömrüñ soñy elter ahyr bir ýere,
Didelermiz görüşse-de, ýitsegem.
Men henizem haýran galýan bir zada,
Sözlerem geñ galýar sözleşdigimiz,
Duşmagmyza päsgel berýän ýeke zat,
Olam biziñ juda meñzeşligimiz...
Baýram BEJIDOW
25
87
Paradise
02.08.2023 12:18
Ötünç.
Haýyş, ykbal, göwnüm ýykma,
Dilegim bolsa-da ýeser.
Sen geñ görme sözlerimi,
Hem bakma maña keseden.
Men bir zady çak edyarin
Bilmäge şoñ bellisini.
Sen kyn görmän beräy maña,
Ayralygyñ belgisini.
Men oña jañ edip diýjek:
Bagyşla, meni ayralyk!
Şu çaka sendindir öydüp,
Bu ýekelik, bu aýralyk.
Yalñyş pikir edipdirin,
Göteripdirin günäñi.
Asyl, bu zatlañ baryna
Özüm ekenim günäli.
Aslynda iki adama,
Ýeke söýgi dözlen bolsa.
Yeke söygä iki yürek
Bir alyp, bir berlen bolsa.
Kim bilýär, şol "göreşde-de",
Ol yeñip, men ýeñlen bolsam?!
Wah, onsoñam jan, ayralyk,
Señem görüp durşuñ yaly,
Meñem görüp durşum yaly,
Bu dunyañ diregi käşgä,
Bir sen bolsañ, bir men bolsam,
Bolsa-da, muña düşündim.
Yetişdim hernä aýñalyp.
Sen giç hem bolsa, bagyşla,
Bagyşla meni, ayralyk
24
85
Paradise
27.07.2023 09:07
IÇKI DÜNÝÄM
Öz içki dünýämi synladym,
görsem,
Paşmadyk arzuwlañ eli hasaly,
Pikirlem gyrlyşýar bir-biri bilen,
Köñülim tapman ýör gözlän wysalyn.
Gursagymda dag bar eken ullakan,
Bag bar eken şahalary döwülen,
Daş görnüşi göýä ýürege meñzeş,
Et bar eken içi oýuk, köwülen.
Hyýallarym kelep eken durşuna,
Akmaklygam, gödekligem kän eken,
Umytlarmy howry bilen ýyladyp,
Şem ýanyp dur, çogly güneş däl eken.
Sussypeslik, hemem juda tukatlyk,
Diñe maña baglan ýaly ömürin,
Asyl görsem, ynamdan gorkujyna,
Bir künjekde bukulypdyr göwünim...
Baýram BEJIDOW
28
95
Paradise
23.07.2023 19:15
ÄHTIMAL
Wulkan ýaly ýanyp duran hesermiñ,
Wulkan ýaly öçmegi-de ähtimal,
Pesdir öýtme, söýgim üçin peselsem,
Ykbalymyñ maña eden ähti bar.
Bilýäñ ahyr, duýgylamda meslek ýok,
Arzuwlarma umyt bilen çyrmaşdym,
Başarsañ-a ynamymy berçinläp,
Heşdek ýaly dogumymy ornaşdyr.
Bu güneşiñ ýaşmagyna garaşma,
Garaşma sen çogly günüñ dogarna,
Ykbal, täleý, ýazgyt bile birigip,
Iñ soñunda alyp gider owarra.
A soñra-da ne men, ne-de sen meni,
Tapyşmarys,
Idemersiñ, idemen,
Seniñ üçin tüme dönen dünýäni,
Görmezligi arzuw eder dideleñ.
Öwrenşeris, ,,Ýazgyt" diýip oñarys,
Başyñ alyp durmazmyşyn ähli zat,
Bu güneşiñ ýaşmagyna garaşma,
Wulkan ýaly öçmegi-de ähtimal...
Baýram BEJIDOW
27
82
Paradise
23.07.2023 15:20
HOŞLAŞYK
Ýaşlykdanmy, daşlykdanmy?, Bilemok,
Ikimizem aýry ýola ýolukdyk,
Bahanamyz, biz pikirdeş dälmişik,
Öñler-ä biz ýürekdeşem bolupdyk.
Sansyz, soñsyz duýgylara uýupdyk,
Söýüpdigem bir-biregi jan bilen,
Gür şatlyga umyt eden hyýallam,
Tamam boldy bu gün ýene gam bilen.
Kalbyma dökülen ajylar bilen,
Dost tutundym ýalñyzlygy özüme,
Indi meni otlar sençe ýakanok,
Öwrenişdim ataşlaryñ közüne.
Belki, senem küýsegimde ýörensiñ,
Gözleriñe gussa bolandyr hekem,
Dünýede iñ uly ezýetleñ biri,
Hiç soñy gelmedik ýalñyzlyk eken.
Ýandaklary ýorgan edip ýapynýan,
Gijeleñ tümlügi göwnüme urna,
Ýörän ýollaryma ýalanyñ düşap,
Haýyş edýän durmuş, ýüzüme urma!.
Bagt meniñ mañlaýymdan öpmedi,
Ne-hä söýgim galdy ne-de höwesim,
Ýer hopan-da tisginmedik ýüregim,
Sen gideñde doldurypdy öwezin.
Gursagyma zäher bolan günleriñ,
Baryny unytjak başyndan başlap,
...
Bolýa-da hoş gal...!
Baýram Bejidow
35
104
Paradise
22.07.2023 15:11
Bagt hakda gep açýarka özgeler,
Biz şol bir gussany gujaklap ýörüs,
Durmuş üstimizden gülýän deý, käşkä,
Ýa-da biz böwrüni gyjyklap ýörüs.
Özdiýenli, kejir, ketjal däldik biz,
Ikimizem sadalygy söýerdik,
Sen-ä şatlygyñy durmuşa berdiñ,
Menem gussalarmy kinä öýerdim.
Bir söz bilen ýazylýarka öýkämiz,
Göwünleri aýna ýaly saýmadyk,
Şonuñ üçin kalbymyzy gazdykda,
Päk söýgüni diri halda jaýladyk.
Onsañ senem, menem günämiz bilen,
Özümizi aklamana çalyşdyk,
Ne-hä ýol duşurdy, ne-de bir ýoda,
Ýa çynlakaý görmezlige salyşdyk.
Şeýdip tukatlyga hökümdar bolup,
Sussypeslik bilen bakdyk jahana,
Asyl höwes eken köseýän närse,
,,Söýýän" diýmekligem bize bahana.
28
95
