Paradise
16.01.2020 22:59
Gije oýa batdym ýene sen hakda,
Ahmyrly günlerim ýadyma düşdi.
Ýene-de senden galan gussalar,
Ynjydyp kalbyma tikenin sünçdi.
Gije bir çen boldy tutmady ukym,
Ýyldyzlar bilen men söhbet gurundym.
Aýjäjekden sessiz halyñy sorap,
Bu ýalñyz asmana bakdym oturdym.
Bilemok nirden düşdiñ ýadyma,
Köp wagt bäri oýlaryma geleñok
Sen nirede,men nirede, hal niçik?!
Käte sorap indi jañam edeñok.
Menem unydypyryn kän-kän zatlary,
Bilemok meselem belgiñi ýatlap.
"Unut! Unudarys" diýdik biz indem,
Unutdyk päk söýginiñ közüni otlap.
Aradan köp wagt geçipdir häli,
Seni duýgularym ýat boldy maña.
Şu gije sebäpsiz ukym tutmady,
Ýada düşdiñ sanjy bolyp kalbyma.
35
510
Paradise
13.01.2020 00:29
Menzilimiz ynam, umyt, bakylyk.
Ýeñ bermek bolmaýar ýetmeli pellä.
Çünki,ak ertirler berdi çakylyk,
Sagymyz,solumyz ýolumyz bellär.
Duşýan şowsuzlyklañ bereli merkiñ,
Ýolumyzdan ürküzmesin zenzele,
Gowşama ýüregim,gowşatma badyñ
Biz iru-giç ýeteris şol menzile.
Haýyrdan,zyýandan paýymyz ýetik,
Şujagaz omürem kän zat öwretdi.
Täze ýara alyp,könämiz bitip,
Durmuş bizi ýara bilen höwretdi.
Söýgi bilen gazanylýar bakylyk,
Ýöne olam mümkin dine señ bilen,
Şoñ uçin düzüw päli şakylyk,
Gel,howlukma ýeteli şol menzile.
Maña ynam bilen umyt derek bar,
Şol peşgeşiñ ykbalymy küreklär.
Şu yeketäk arzuwymy bitirseñ
Häzirlikçe maña hiç zat gerek däl.
Dogry,ýol uzakdyr güniñ bir güni,
Senden ýene bir zat soramagym ahmal.
Senem dilänimi gysganyp durma,
Garaz bu durmuşda oñşaly ykbal.
Mähribanlar ykbalyñyzyñ size gözel durmuşy, süýji günleri, gözel pursatlary, söýgiden püre-pür şirin duýgulary peşgeş bersin.Ýüziñizden ýylgyryşlar kemelmesin.Gijañiz rahat bolsyn.Arzuwlarynyz hasyl bolsyn????
34
584
Paradise
12.01.2020 20:00
Düşünmän ekenim şu güne çenli,
Bu dünýaniñ baýlygy ne,zeri ne.
Geçen,geljek,tutuş ömrüñ gymmaty,
Ýekeje söz bilen mündi terezä.
Saña söýýän diýdim ýumup gözlermi,
Derdim sumat boldy kalbym tüýtmeleñ.
Gözümi açsam ählije zat özgermiş,
Bu ne syrdyr ýa özümmi üýtgeýän.
Dert ýañyja täzeden dörän deý dünýä,
Ne arman bar,ne gussa bar, ne kine,
Göz ýetirdim bu owadan jahanda
Yşga düşmek iñ arzyly nesibe.
Sen nämä ýylgyrýañ,ya-da göwniñe,
Bolup yörşim hetden aşa ýalymy,
Her näme diýseñem şu pursat duydum,
Men şu pursat duýdym ýaşaýanymy.
35
644
Paradise
09.01.2020 22:16
Garaşaryn
Niçik ajap ganatynda göterip,
Göwnüñ her dem müñ hyýala münmegi,
Ot üstünde lowlap duran kitriniñ,
Syr bermezden lakyr-lakyr gülmegi.
Bilýän ýylanyp bolmajagyny,
Mydam ot-ot diýip ýöreniñ bilen,
Şonda-da söýäniñe ahyr geljegiñe,
Ynanaryn halys ýüregim bilen.
Bu dünýañ bar işi diñe biz däldir,
Ýyllar geçer gözden uçar keşbiñem,
Ýöne ynan,entek ýürek urýarka,
Ýüregimiñ her bir gürsüldeside,
Hat-da goşar sagadymyñ seside,
Seniñ aýak sesiñ bolup eşdiler.
34
565
