Paradise
05.02.2020 15:33
SALAM HAKYNDA
Salamdan başlanýar edebiñ başy,
Edep bilen salamlaşyñ,adamlar!
Aýrar kalplarymyzdan kinäniñ daşyn,
Mähir bilen salamlaşyñ,adamlar!
Kalbyñ aýnasynda özüñi görýäñ,
Ýagtyldar añyñy nur bolup ýerlär,
Oýanar hyýallar nepesiñ durlar,
Çyn ýürekden salamlaşyñ,adamlar!
Salamdan açylar kalbyñ ganaty,
Ýüküñ ýeñlär mähre duşan halatyñ,
Ak säherleñ tämizligin haladym,
Säher bilen salamlaşyñ,adamlar!
Ata-ene, ogul-gyzlar, dost-dogan,
Ýakyn - ýatlar bir-birine dost bolar,
Haýryñ başlangyjy pikir etseler,
Haýyr bilen salamlaşyñ,adamlar!
Ozalynda salam Allanyñ sözi,
Ýagşylyñ başy, gowlygyñ gözi,
Nura dolsun diýseñ dünýaniñ ýüzi,
Ynam bilen salamlaşyñ,adamlar!
Kakamyrar Rejepow
37
768
