Lilia_
12.09.2023 00:01
Sutkada ýigrimi bäş sagatlap ýatmaň,
Tapawudyn biliň köşk bilen çatmaň.
Gazanyna ýeke çümmük duz atman,
Bişirlen nahara şor diýip ýörmäň.
Saýgaryň aýagy, agyzy, eli,
Saýgaryň tokaýdan bir çöpsüz çöli.
Asmandan däl,ýerden ýagaýsa doly,
Ýagan zady bilmän, gar diýip ýörmäň.
Açaýmasa yssy-sowguň arasyn,
Görmek gerek ol nadanyň çäresin.
Aňlamazlar şahyrlardan sorasyn,
Ýöne garpyz görüp,nar diýip ýörmäň.
Atajan TAGAN
48
57
Lilia_
11.09.2023 18:22
Söýgim saklap ýüregimiň töründe,
Gujagňa dolaýyn bagra bas eje.
Elleriň yzy bar şamar örümde,
Serhoş boldum mähiriňden tas eje.
Geçmişimde, geljegimde, ertämde,
Saçym çöşlän şemal ýüzüm ýelpände,
Hyýallarym gujagyňda entände,
Şonda özüm bagtly duýýan has eje.
Azan sesi ýaň berip dur äleme,
Aý görküni saljak bolýar tärimden,
Ýetmek üçin arzuwlanan kärime,
Ýollarymyz biraz aradaş eje.
Roýuň görüp ýene gezmäge geldim,
Teşne kalbym mähre ezmäge geldim,
Çagalyk tapmaçam çözmäge geldim,
Gündeligem, durmuşymam bäş, eje!
Gujagyň aç gujagyňda gowşaýyn,
Bagryňa bas ýaňagyňdan ogşaýyn,
Ýene lälik günlerime ogşaýyn,
Bir çene baranam bolsa ýaş, eje!
Endigim, terbiýäm goýup bolmaýan,
Mahriňi küýsedim doýup bolmaýan,
Söýgüňe batyrlan temmiň küýseýän,
Özgeleň igenji göýä daş, eje!
Senli günlerimde ýaşaýan erkin,
Gurupsyň biz üçin jennetiň berkin,
Binesip bolmasyn bu bagtdan herkim,
Gojalaram ene üçin ýaş, eje!
Bibi TAGANOWA
44
79
Lilia_
11.09.2023 14:06
Ärsary gyzy...
"Hoş geldiñiz" diýdiñ güler ýüz bilen,
Sary reñk köýnegiñ ýatlatdy güýzi.
Waspyñy aýdaýyn ajap söz bilen,
Gül bilen bäsleşen Ärsary gyzy.
Hyzmata başladyñ ýazyp saçagyñ,
Ýüzüñi gizledi gürje seçegiñ,
Tüýs diýýän gyzyda meniñ ejemiñ,
Bakyşy kalp deşer, Ärsary gyzy.
Goýduñ ses çykarman çaýly çäýnegi,
Has gowy synladym dakyp äýnegi,
Her näçe baksam-da tapmadym kemi,
Edebi görk goşar, Ärsary gyzy.
"Myhmansöýerligñiz öñdenem belli,
Ýöne gözelligiñ has aklym aldy",
Diýenimde ogryn seredip güldi,
Gülkä ýürek joşar, Ärsary gyzy.
Uzak günüm geçdi garap görküñe,
Sawçy ibermesem goýmaz erkime,
Aýagym kän düşsün bu öýe ýene,
Turaýyn,
Gün ýaşar, Ärsary gyzy
Kerim Hally
46
50
Lilia_
11.09.2023 10:00
Men seni söýýärin, çaksyz söýýärin,
Bermesem-de saña desse-desse gül.
Özüñe, özüñi berip bolsady,
Bolardyñ ýeke däl, esse-esse gül.
Duýgularym begdi, ýeñles başyma,
Olaram söýgiñe bolupdyrlar gul.
Gurbany bolaryn duýgularymyñ,
Galmasynlar garyp ýüregimde dul...
Men seni söýýärin, çaksyz söýýärin,
Hernä söýmek üçin soralanok pul.
49
48
