Läle 🌼
25.01.2023 00:57
Men biraz öñkimden güýçlendim, kaka!
Düşündim durmuşyñ añsat däldigin,
Sabrym bilen darkaş eden duýgulañ,
Kötelli ýollarda agsatýanlygyn.
Aram tapman gezenimde käteler,
Dar ýodadan ýöräp, giñ-giñ köçede,
Haly bolup düşelende ýalanlar,
Oturmagy endik etdim keçede.
Ýygy-ýygy gara basýar gijeler,
Rahatlygym bilen gidemde uka,
Ykbalyñ oýnundan ýadadym, ýöne,
Men biraz öñkimden güýçlendim kaka!..
Baýram BEJIDOW
14
184
