Karaleva_
23.09.2024 07:58
Kopengagendäki auksionda soňky 100 ýyl el degrilmedik 286 teňňeden ybarat özboluşly kolleksiýa satyldy. Ahyrky baha 14,8 mln ýewro ($16,4 mln) boldy, bu bolsa çak edilen bahadan 25% ýokarydyr diýip, Stack’s Bowers auksion öýüne salgylanyp, Reuters habar berýär.
Kolleksiýa 1852-nji ýylda doglan we mesgäniň lomaý söwdasy bilen meşgullanan daniýaly täjir Lars Emil Bruuna degişlidir. Bruun öz kolleksiýasyny tutuş ömrüniň dowamynda ýygnady we ol Daniýanyň, Norwegiýanyň hem Şwesiýanyň teňňeleriniň we kagyz pullarynyň doly ýygyndysyny, şeýle-de medallary we kitaplary öz içine alýar.
Bruun 1932-nji ýylda ölmezinden öň wesýetnamada kolleksiýanyň 100 ýyllap eldegrilmesiz saklanmalydygyny görkezipdir.
Çaklamalara görä, Bruunyň mirasy, takmynan, 72 mln dollar bolmaly. Auksion söwdasy sekiz sagat dowam etdi.
Tmcars
16
201
Karaleva_
12.09.2024 13:40
9-njy sentýabrda geçirilen söwdalaşyklar wagtynda Fransiýanyň Kering (Gucci, Yves Saint Laurent, Bottega Veneta we Balenciaga brendlerine eýelik edýän) kompaniýalar toparynyň paýnamalary 4,36 göterim aşaklap, her biri 225,95 ýewro düşdi. Bu Parižiň gazna biržasynyň maglumatlaryndan gelip çykýar.
RBK agentliginiň berýän habaryna görä, kompaniýa 2017-nji ýylyň fewral aýyndan bäri paýnama bahasynyň iň uly peselmesini başdan geçirdi, bu bolsa onuň bazar bahasynyň 1 milliard ýewrodan gowrak peselmegine sebäp boldy.
Barclays bankynyň seljerijileri paýnamalaryň reýtingini “bazar bahasyndan” pese düşürenden soň, Kering-iň paýnamalary arzanlady.
Bloomberg-iň berýän maglumatlaryna görä, bu soňky ýedi hepdäniň içinde iň uly peselme boldy. Hytaýda islegiň azlygy sebäpli, Gucci brendi hasam zyýan çekdi.
Seljerijileriň 32-sinden diňe 6-sy Kering-iň paýnamalaryny satyn almagy maslahat berýär. 2022-nji ýylda şeýle seljerijileriň sany 23 bolupdy. Köpüsi "saklamagy" ýa-da "satmagy" maslahat berýär. Ýylyň başyndan bäri kompaniýanyň paýnamalary 43% peseldi.
Kering, täze dizaýner bellemek bilen, Gucci brendiniň ýagdaýyny gowulaşdyrmaga synanyşýar.
Häzirki wagtda Hytaýdaky bazaryň aşa polýarlaşandygy bellendi. Müşderiler has elýeterli önümlere ýa-da hakykatdanam saýlama segmente isleg bildirýär. Gucci orta orny eýeleýär, şonuň üçin şeýle polýarizasiýa onuň üçin amatsyz diýip, Kering-iň maliýe direktory Armel Pulu belleýär.
tmcars
11
58
