Imissyou
18.08.2024 10:38
,, Ömür."
Hawa men ýalançy ýalan dünýäde,
,,Gowy" diýýän halym soran herkime.
Ýogsa-da dert doly bu gara başym,
Ynjalyp goýanok halys erkime.
Göýäki gyzykly olara halym,
Hamala derdime derman tapjaklar.
Sähel ejizlänim duýsalar welin,
Ogryn -ogryn ýeňsä gülüp bakjaklar.
Ömrüm ýuwaş -ýuwaş sorap ýumagyn,
Geçen günler bilen bilýäs kä zady.
Ýaş başymda şuňa göz ýetirdim men,
Kyn boldy tanamak ýakyny-ýady.
Köpleri görende soragly didäm,
Alaçsyz ýylgyryp bakmaly bolýar.
Çünki ynsanlary tanap bolanok,
Dünýä ikiýüzli ynsandan dolýar.
awtor: Merjen Pirgulyýewa.
9
38
