Watan

Säher çagy, gujagyñda oýansam,
Rahat ertirlere ýalkymsyñ Watan,
Ýola düşsem uzak ile sapara,
Arkama goragly galkansyň Watan.

Şady horram, gaýnap joşup toýuňda,
Lezzet alyp dag dereli boýuňda,
Agzybir ojagym, rahat öýümde,
Gyşym ýyly, ýazym salkynsyň Watan.

Waspyňy ýetirer, keşbiňi gören,
Razy, rahat munda döwrany süren,
Beren duzyň, ödemäne müň kerem,
Jigerin sogurjak, halklysyň Watan.

Synla, lezzet al, gujagyna gelde,
Öwezgeldi joşar, söz ejiz dilde,
Parahat dünýäde agzybir ilde,
Rahat ertirlere, ýalkymsyň Watan.

Öwezgeldi Taganow

Ýüreğe ýüzlenme

Menzilimiz — ynam, umyt, bakylyk,
Ýeň bermek bolmaýar, ýetmeli pellä.
Çünki ak ertirler berdi çakylyk,
Sagymyz, solumyz, ýolumyz del däl.

Duşýan şowsuzlyklaň bereli merkin,
Ýolumyzdan ürküzmesin zenzele.
Gowşama, ýüregim, gowşatma erkiň,
Biz ir-u-giç ýeteris şol menzile.

Haýyrdan, zyýandan paýymyz ýetik,
Şujagaz ömürem köp zat öwretdi.
Täze ýara alyp, könämiz bitip,
Durmuş bizi ýara bilen höwür etdi.

Ýat boldy ýakynlar, dost boldy ýatlar,
Kösenip öwrendik ýaşamagy biz.
Ykbaly ýyladýar gursagy otlar,
Gursagy köz edip ýaşamaly biz.

Söýgi bilen gazanylýar bakylyk,
Ýöne olam mümkin diňe seň bile.
Şonuň üçin düzüw Päli şa kylyp,
Gel, howlukman, ýeteli şol menzile.

Sapa Hommadow

Sen maña "söý" diýme özge birini,
Ondan señ mähriñi duýup bilmerin,
Bütin ömür bagtyma şaýat bolup,
Ony seniñ ýaly söýüp bilmerin.

Sen maña "söý" diýme özge birini,
Duýgylam surnugar, daralar älem,
Sen maña umyt ber iñ bolmanynda,
Diýme "menden başga gözel gyz kän-ä",

Kän-le, gytçylyk ýok gyz bilen duza,
Oglanam şonçarak, azlyk edenok,
Ýöne senden başga birini saýlap,
Söýmäne asyl meñ güýjim ýetenok.

Kalbymyñ törüni eýelän sensiñ,
Meni sensiz günler barýar irizip,
Sen maña umyt ber ýaşarym ýaly,
Sen maña "söý" diýme özge birini...

Baýram Bejidow

Ýaşap ýördüm bu zeminiñ goýnunda,
Ne öli, ne diri, ruhumy gyssap,
Öñler gamlanardym ýüregim gyssa,
İndi ýüregimi ýüregiñ gysýar...

Baýram Bejidow

Pul

Bir bölek kagyzdyr ýasyl-gyzylly,
Onuň üçin niçe ömür üzüldi,
Pul üstünde turdy ençe zenzele,
Barlylaň adyna "Başlyk" dakyldy.

Ynsan terk eýledi öz doganyny,
Kem görmedi pulun ýeke sowanny,
Mätäç bolup barsaň döwüm çörege,
Utanmady, diýdi "Biz nä doganmy?"

Mejbur etdi ene-atadan geçmäne,
Bahana tapdyrdy her gün içmäne,
Adalatyň berkläp ýapan gapysyn,
Pul kömek etdirdi aňsat açmana.

Ýalançyda ýaşap gözmüz ýetirdik,
Pul gürlese adalat dymar eken,
Gazansa kakalar gijeler ýatman,
Hergiz ogullary wah ýeňer eken.

Hajymyrat Goşaýew

Bir güni toýludyr, bir güni ýasly,
Bir gözi şatlykda, bir gözi ýaşly.
Başagaý adamzat, mydama işli,
Jan uçup gidýänçä topraga çenli.

Amangeldi Nurgeldiýew

Salam agzalar bugün @maral atly agzamyzyñ doglan güni 🥳 Doglan günüñ gutly bolsun Maralym uzak ýaşa, görjegiñ diñe gowlyk bolsun, iñ agyr ýüküñ abraýyñ bolsun, bagtly gyzlaryñ biri bol, Adyñ hemişe gowy ýerlerde agzalsyn, Watana wepaly ýaşalaryñ biri bol!

Dag-daş ýarsyn alýan demiñ,
Şadyýanlyk bagtyñ bolsun!
Gülki bezäp dursun ýüzüñ,
Mährem ojak tagtyñ bolsun!

Çyn ýürekden begenýärin,
Abraýyña begenýärin.
Şu owadan pursatlarda,
Uzak ýaş arzuw edýärin.

Abraýyñ arşa galsyn!
Bürgüt ganat gyrylmasyn,
Mydam adyñ arzylansyn,
Görübiñ gözi degmesin.
____________________________

Gijä galanym üçin bagyşla:)

Ýene bir gezek gutlaýan uzak ýaşa Maralym😘🤗
Gutlamak bilen: Guller___

Ýöne birden, ýene birden kyn iş düşse başyña,
𝑮𝒐𝒓𝒎𝒆𝒛𝒍𝒊𝒈𝒆 𝒔𝒂𝒍𝒂𝒓 Salam diýýäniñ.
Bulutly gün kölegäniñ bizi taşlaýşy ýaly,
𝑩𝒊𝒛𝒊 𝒕𝒂𝒔𝒉𝒍𝒂𝒓 bile çörek iýýänimiz.

Gurbannazar Ezizow

Ýok, bu ýollar ýöne-möne gürlänok,
Olañ añyrsynda şatlyk bar, gam bar.
Öz agysy bile, şatlygy bile,
Hemme ýollar diñe ýürege barýar.

Gurbannazar Ezizow

Seniñ duzuñ iýdim, nanyñy iýdim,
Galplygam etmedim, Hudaýa Şükür.
Käte göge galdym, kä gökden indim,
Emma hiç ýitmedim, Hudaýa Şükür.

Gurbannazar Ezizow