Adamyň bir mätäç zady - hoş sözdür,

Hoş söz aýdyp, depesine täç bolar.

Dirilikde aýdyň, dirikä sylaň,

Kim bilip dur, ýyldan soň giç bolar.

Ýagşy sözler gaýnap ýürekden çyksyn,

Şol nerseden berde çyksa hiç bolar.

Goldaberiň bir-biregi söz bilen,

Kim bilip dur, bir hepdeden soň giç bolar.

Sahawatsyz ömür - gury bir töňňe,

Sahawatsyz ömrüň soňy puç bolar.

Sylaň bir-biregi wagtyňyz barka,

Mümkin ýene bir sagatdan giç bolar.

Gowa 《Gowy》diýiň, entek dirikä,

Gerek ýerde ýyly söz bir güýç bolar.

Hökman ölerine garaşyp durmaň,

Kim bilip dur, bir aýdan soň giç bolar.

Kalby çoýun, alkyş alyň adamlar,

Alkyşlynyň işi rowaç bolar.

Ertir tapylanok bu günki göreniň,

Şu gün çoýun, ertir belki giç bolar.