Sport » Sahypa 3 » Öwrenmeli App

30.04.2024 16:40

Garyşyk söweş stiliniň türkmen wekili Döwletjan Ýagşymyradow indiki tutluşygyny 22-nji iýuna geçilýän gije Solt-Leýk-Sitide (Ýuta ştaty, ABŞ) PFL 5 ýaryşynda geçirer. Onuň garşydaşy kamerunly Simon Biýong bolar.
Soňky tutluşygynda Döwletjan 13-nji aprelde PFL 2 ýaryşynda Sloweniýanyň wekili Jeýkob Nedony tehniki nokaut bilen birinji raundda ýeňmegi başardy.
Professional karýerasynda Döwletjan Ýagşymyradow 22 ýeňiş gazandy, 7 gezek ýeňildi we bir söweş deňme-deňlikde tamamlandy.
Biýong soňky söweşinde PFL 2 ýaryşynda Antonio Karlos Juniordan ýeňildi. Kamerunly türgeniň hasabynda 9 ýeňiş we 4 ýeňliş bar.

16

87

10

diktr

20.04.2024 02:51

Ýaponiýaly Kenta Adaçi 24 sagadyň dowamynda 8 940 gezek turnikde çekip, täze dünýä rekordyny goýdy. Ginnesiň rekordlar kitabynyň resmi web sahypasyna salgylanýan RG.ru-nyň ýazmagyna görä, bu öňki rekord eýesi awstraliýaly Geri Lloýdyň başaranyndan 300 esse köpdür.
Kenta diňe bir günüň dowamynda iň köp gezek özüňi çekmek rekordyny täzelemek bilen çäklenmän, eýsem 2022-nji ýylda goýan 651 gezek gaýtalama - üznüksiz özüňi çekmegiň rekordynyň hem eýesidir.
Ol 2007-nji ýylda Ýaponiýanyň kenarýaka goragçylarynyň sport synagyndan geçmäninden soň, turnikden çekmek bilen çynlakaý meşgullanyp başlady. Şondan bäri Kenta yhlas bilen türgenleşip geldi we bu täsirli üstünlik onuň eden yhlasynyň sylagy boldy.
Rekord goýjak bolanda egninde agyry duýmak, ukusynyň tutmagy we aşgazan rahatsyzlygy ýaly kynçylyklara duçar boldy, ýöne aýalynyň we beýlekileriň goldawy bilen ol maksadyna ýetmegi başardy.

15

36

0

diktr

18.04.2024 10:53

“Bawariýa” we “Real” klublary UEFA-nyň Çempionlar ligasynyň 1/4 finalynyň jogap oýunlarynda ýeňiş gazanyp, ýaryşyň ýarym finalyna çykdylar.
Mýunhende “Bawariýa” “Arsenaly” 1:0 hasabynda utdy. Oýunda ýeke-täk goly 63-nji minutda Ýozua Kimmih geçirdi.
Toparlaryň arasyndaky ilkinji oýun 2:2 hasabynda tamamlanypdy, şeýlelikde, iki duşuşygyň netijesinde “Bawariýa” ýarym finala çykýar.
Beýleki bir oýunda Madridiň “Realy” häzirki çempion “Mançester Sitini” ýaryşdan çykardy. Angliýanyň “Etihad” stadionynda geçirilen duşuşygyň esasy wagty 1:1 hasabynda tamamlandy (iki oýnuň jemi boýunça 4:4).
Oýunda hasaby 12-nji minutda “Realyň” hüjümçisi Rodrigo açdy. “Siti” 76-njy minutda Kewin De Brýoýneniň goly bilen hasaby deňlemegi başardy. Goşmaça wagtda gol girizilmedi we ýeňiji oýundan soňky penalti tapgyrynda kesgitlendi. Bu ýerde Madridiň toparynyň oýunçylary has takyk boldy (4:3).
Ýarym finalda “Real” Mýunheniň “Bawariýasy” bilen oýnar.
Ýatlap geçsek, ikinji ýarym final jübütinde 1/4 finalda “Barselonany” utan “Pari Sen-Žermen” we dörtden bir finalda Madridiň “Atletikosyny” utan Dortmundyň “Borussiýasy” duşuşar.
Ilkinji ýarym final oýunlary 30-njy aprelde we 1-nji maýda, jogap oýunlary 7-nji we 8-nji maýda geçiriler. Final 1-nji iýunda Londonda bolar.

18

93

7

diktr

17.04.2024 23:36

2023/24 möwsüminiň Çempionlar ligasynyň ýarym finalyna ilkinji gatnaşyjylar belli boldy. Dortmundyň “Borussiýasy” “PSŽ” topary bilen duşuşar.

1/4 finalyň jogap oýnunda “PSŽ” “Barselonany” utdy.
Parižde geçirilen ilkinji oýunda kataloniýalylar 3:2 hasabynda ýeňiş gazanypdylar. Jogap oýnunyň başynda hem artykmaçlyk “Barselonanyň” tarapyndady. Topar eýýäm 12-nji minutda Rafinýanyň goly bilen öňe çykmagy başardy. Oňa topy Çempionlar ligasynyň pleý-off taryhynda iň ýaş assistent bolan 16 ýaşly Lamin Ýamal geçirdi.
Ýöne 29-njy minutda “Barselonanyň” goragçysy Ronald Arauho oýnuň düzgünini bozandygy sebäpli gyzyl duýduryş alandan soň ähli zat üýtgedi. 56-njy minutda artykmaç emosionallygy sebäpli “Barselonanyň” baş tälimçisi Hawi hem oýundan aýryldy.
Şeýlelikde, “Barselona” dört jogapsyz goly sypdyrdy. Parižlileriň düzüminde Usman Dembele (40), Witinýa (54), Kilian Mbappe (61 – pen., 89) tapawutlandy. Ahyrky netije “PSŽ-niň” peýdasyna 1:4 boldy.
Dortmundyň “Borussiýasy” bilen Madridiň “Atletikosynyň” arasyndaky oýun diýseň netijeli boldy.
“Borussiýa” oýnuň birinji ýarymynda Ýulian Brandtyň (34) we Ýan Matseniň (39) kömegi bilen iki gol geçirdi. Ikinji ýarymy myhman oýunçylar işjeň başlady. 49-njy minutda “Borussiýanyň” goragçysy Mats Hummels topy öz derwezesine geçirdi, 64-nji minutda bolsa “Atletikonyň” hüjümçisi Anhel Korrea hasaby deňledi.
Şondan soň Dortmundyň kluby ýene iki gol geçirdi – 71-nji minutda hüjümçi Niklas Fýullkrug, 74-nji minutda Marsel Zabitser tapawutlandy.
Şeýlelik bilen, iki oýnuň jemi boýunça (2:3, 4:2) “Borussiýa” Çempionlar ligasynyň 1/2 finalyna çykdy. Bu ýerde topar “PSŽ” bilen oýnar.
18-nji aprele geçilýän gije “Mançester Siti” – Madridiň “Realy” we “Bawariýa” – “Arsenal” oýunlary geçiriler.
Çempionlar ligasynyň ýarym finalynyň ilkinji oýunlary 30-njy aprelde we 1-nji maýda, jogap oýunlary 7-nji we 8-nji maýda bolar.

17

34

2

diktr

17.04.2024 09:14

UFC-niň ýolbaşçysy Dana Uaýt promouşeniň geljekki iki möhüm wakasyny resmi taýdan yglan etdi. Bu barada FightTime.ru habar berýär.
1-nji iýunda Nýuark şäherinde geçiriljek UFC 302 ýaryşynda Islam Mahaçew amerikaly Dastin Porýe garşy söweşde ýeňil agramda çempion titulyny gorar. Şol gün agşamyň ýene bir esasy wakasynda Şon Striklend bilen Paulo Kosta duşuşar.
29-njy iýunda Las-Wegasda geçiriljek UFC 303 ýaryşynda iki agram derejesinde promouşeniň eks-çempiony Konor Makgregor oktagona gaýdyp geler. Irlandiýaly ýarym orta agramda Maýkl Çendlere garşy söweş geçirer.
Promouşeniň ýolbaşçysy bu söweşler barada Paradaýs şäherinde (Newada ştaty, ABŞ) geçirilen UFC 300 ýubileý ýaryşyndan soň metbugat maslahatynda mälim etdi.

24

32

0

diktr

16.04.2024 20:25

Garyşyk başa-baş söweş sungatynyň (MMA) ermenistanly söweşijisi Arman Sarukýan ýeňil agramda UFC-niň iň gowy söweşijileriniň reýtinginde birinji orny eýeledi. Täzelenen reýting promouşeniň saýtynda ýerleşdirildi. Bu agramda çempion russiýaly Islam Mahaçewdir.
14-nji aprelde UFC 300 ýaryşynda Sarukýan emin agzalarynyň tapawutly karary bilen ýeňil agram derejesinde promouşeniň eks-çempiony braziliýaly Çarlz Oliweýradan üstün çykdy. Söweşden öň Sarukýan ýeňil agramly söweşijileriň reýtinginde dördünji orny, braziliýaly birinji orny eýeleýärdi. Oliweýra ikinji orna düşdi.
Sarukýan ýeňşiniň netijesinde Mahaçewe garşy titul söweşi üçin hukuk gazandy. 27 ýaşly Sarukýanyň hasabynda MMA-da 22 ýeňiş we üç ýeňliş bar.
Ýarym ýeňil agramda UFC-niň eks-çempiony Maks Holloueý BMF tituly üçin göreşde watandaşy Jastin Getjini nokauta gidirip, ýeňil agram reýtinginde 9-njy orny eýeledi. Agram derejesine garamazdan iň gowy söweşijileriň reýtinginde Holloueý birbada alty setir ýokary galyp, sekizinji orna çykdy. Bu reýtingde hem lider Mahaçewdir.

19

25

0

senorita

10.04.2024 18:29

Antiki döwürde hem adamlar sport bilen meşgullanypdyrlar. Platon döwletde ýaşlaryň taýýarlanylmagynda, döwlet adamy edilip ýetişmeginde sporta uly üns bermelidigini belläp geçipdir. B.e.öň 5000-nji ýyllarda “sumerler” tarapynda ilkinji sport bilen meşgullanmak işi ýola goýlupdyr.

Sport bilen meşgullanmak hem bedeni, hem-de aklyňy durlamaga, sazlamaga ýardam edýär. Yzygiderli sport bilen meşgullanmak saglyk ýagdaýyňyzyň gowulanmagyna, kesellemek howpunyň azalmagyna getirer. Günüň dowamynda azyndan 30 minut sport bilen meşgullanmak ýürek-damar keselleriniň 60% öňüni alýandygyny alymlar belläp geçdiler.

Häzirki wagtda dünýäniň birnäçe dilinde ulanylýan “Sport” sözi latynlaryň “di sport” sözünden gelip çykypdyr. Has takygy “Dis Portare” sözüniň gysgaldylmagy netijesinde biziň ulanýan “sport” sözümize öwrülendir. Dis Portare sözüniň manysy bolsa işden uzaklaşmak, dynç almak maksatly öwrenilen endik diýen manyny berýär. Boş wagtlaryňda dynç almak maksady bilen oýnalýan oýuna, öwrenen endigimize sport diýip bileris.

Sport bu belli bir şertlerde, düzgünlerde dynç almak, güýç sarp etmek bilen bagly bedeniňi terbiýelemekdir. Sport halklaryň, döwletleriň arasynda dostlugy, bilelikde iş ýöretmegi hem ýola goýýar.

47

180

3