Juwan başym, hala döndi,
Ýörüň begler, hoş bolalyň.
Adam bary, mala döndi,
Ýörüň begler, hoş bolalyň.

Bäş günlük, synagla gelip,
Gam çekmäliň, beýdip durup,
Kap dagynda, Meýlis gurup
Ýörüň begler, hoş bolalyň.

Duşmanlardan ara açyp,
Inçe billere dür saçyp,
Gähi gonup, gähi guçup,
Ýörüň begler hoş bolalyň.

Saçagy bezäp nygmata,
Myhmany besläp hezzete,
Diň salman, sansyz gybata,
Ýörüň begler, hoş bolalyň.

Päk atlarmyzy eýerläp,
El haly bilen kemerläp,
Bir oňat ýeri nazarlap,
Ýörüň begler, hoş bolalyň.

Hangeldi çeniňden çykma,
Il-günüň, göwnüni ýykma,
Halypaň Pyrag ynjytma
Ýörüň begler, hoş bolalyň.

Ýaş şahyr:Hangeldi Orazmyradow.