Barselonamy? Realmy?

Ispaniýanyň çempionatynda çempionlyk ugrunda ýiti göreş dowam edýär we ýene - de azyndan 10 günden galagoply geçen möwsümiň çempiony belli bolar . Häzirlikçe 4 utuk önde barýan Real Madrid ezeli bäsdeşi Barselona garanyňda , bir ädim öňräkde hasaplanýar . Iki toparyň yene - de 4 duşuşygy bolup , olaryň hiç biri - de çempionatyň uly toparlary däl . Iki topar hem 2 duşuşygyny öz meydançasynda geçirse , ikisini myhmançylykda oýnarlar . Barselona şu gün öz meydançasynda Barselona derbisinde iň aşaky orunda baryan şäherdeşi Espanyoly kabul eder . Eger şu günki oýunda Espanyol ýeňiş gazanyp bilmese , onda olar ençeme ýyldan soň , çempionatda galmak mümkinçiligini ertir oynaljak Eybar - Leganes duşuşygyna bagly bolmak bilen bir hatarda elden giderer . Soňky tapgyrlarda Ramosyň penalti gollarynyň kömegi bilen gazanýan Real 35 - nji tapgyrda anna güni Madridde Alawes bilen duşuşar . Alawes hem ligada galmak üçin göreş alyp barýan toparlaryň biri bolup , näçe ir arkaýynlaşsa özleri üçin gowy boljakdygyny bilýär . 36 - nji tapgyrda iki topar hem myhmançylykda ligadan düşmek howpy bolmayan klublar bilen duşuşarlar . Real Granada bilen , Barselona - da Walyadolid bilen güýç synanyşar . Eger - de toparlar 35-36 - njy tapgyrlary ýeňiş bilen tamamlasalar , 15 - nji iyulda oynaljak we ähli duşuşyklary bir wagtda başlanjak 37 - nji tapgyrda çempion belli bolup biler . Eger sol gün Reala öz meydançasynda Yewropa ligasyna hatda , Çempionlar ligasyna - da synanyşýan Wilýarrealy ýeňmek başartsa , onda madridliler 19 - njy iyulda geçiriljek soňky tapgyrdan öň 34 - nji çempionlygyny yglan ederler . Mahlasy çempionlyk ugrunda ýiti göreş azyndan 3 tapgyrda dowam eder we häzirlikçe Real garşydaşyndan bir ädim önde . Galanyna - da biz janköýerlere sabyrsyzlyk bilen garaşaymak galýar ...
Realyň galan duşuşyklary galan duşuşyklary:
Alawes
Granada
Wilýarreal
Leganes

Barcelonaňky:
Espanýol
Walyadolid
Osasuna
Alawes