Razy men.

Eşitsin gaýgy edenler,
Hemmelerden razy men.
Güle duwlanan tikenler,
Iññelerden razy men.

Köpüsi-de öz hatam,
Diýip ýaşadym mydam.
Gybata etdim çydam,
Ýeññelerden razy men.

Käteler düşüp gaýga,
Düşünjek boldym söýgä.
Gaplanyp çuññur duýga,
Çümmelerden razy men.

Diñläp aýdan sözümi,
Gyzartmazdan ýüzümi,
Gizläp aýbym gözümi,
Ýummalardan razy men.

Algym ýok hiç bir kesde,
Hatam köp her bir işde.
Hassa halymy eşde,
Eñmelerden razy men.
Eşidiñ, eý, Adamlar!
Hemmelerden razy men.

Aganýaz Sammyýew.