PlayStation 5 üçin taýýarlanan daşky sypat.

Sony-nyň gelejek ýyl satuwa çykarjak täze nesil oýun tehnologiýasy bolan PlayStation 5 hakynda häzirki wagta çenlui birnäçe habarlar edildi, emma şugüne çenli daşky forma barada hiç hili anyk habarymyz ýokdy. 

Sony PlayStation 5 üçin heniz resmi çykyş taryhy ýok, ýöne kompaniýa tarapyndan PlayStation 5-iň  2020-nji ýylda çykaryljakdygy duýduryldy. 

ResetEra-da täze PlayStation 5 üçin gören daşky formamyzda, önümiň dizaýny V şekilde döredilipdir. Bu şekili PlayStation 5-i   PlayStation 4 we PlayStation 4 Pro önümlerinden hem has owadan görkezipdir.

PS5 häzirki wagt tehnologiýada Sony kompaniýasynyň iň garaşylýan önümlerinden biri. PS5 öňki döredilen PS-lara görä has tapawutly edilip döredildi, ýagny birnäçe aýratynlyklary bar. Has tapawutlanýan tarapy ekranda 8K şekil görkezmäge hem-de öňki PS oýunlaryny hem işletmäge ukyply. Beýle diýildigi PS5 alan ulanyjy PS4-i bar wagtynda alan disklerini satmaklyga geregi ýok, diskleri PS5 okamaga ukyply. 

PS5 2020-nji ýylyň oktýabr-dekabr aýalary arasynda çykmaklygyna garaşylýar. Bahasy doly derejede belli däl, ýöne köp ulanyjylaryň tehnologiýa bilen gyzyklanýanlaryň maglumatlaryna görä 500$-dan ýokary bolmaz.

Siz nähili, PlayStation oýnamak bilen gyzyklanýaňyzmy?