Dostlarym, gijaniz rahat bolsyn!
Ynjalsyn ýürekler, dynç alsyn göwre.
Howpurgap oýanmañ, gara basmasyn,
Gije düýşiñizde sallançak üwrañ!

Ýazylsyn öýkeler, undulsyn kine,
Gahar-gazap gitsin tüsse deý gaýyp.
Ýigitler, wepaly söwer ýaryñyz,
Ýatsyn gujagyñyzda saçlaryn ýaýyp.

Tolgunyp ogrynça, bakan ýigdekçä
Biperwaý sereden bolupdyñ sen, gyz!
Ýygralyk huşuñda salsañ-da badak,
Düýşiñde bir seni goýmasyn ýalñyz!

Säher ukyñyzdan oýarsyn guşlar,
Täzeden doglan dek dünýä ser salyñ.
Dostlarym, gijaniz rahat bolsyn
Bu gohly dünýäni unudyñ birsalym!
???????????????