Bu gün mekdep hakda aýdara kän zat,
Hoşlaşmaga bolsa ýekeje pursat.
"SOÑKY JAÑ" ýüzleri ýylgyrtsa sähel,
Üç esse gynanýar öwrenişen gursak.

Bu gün mekdep hakda aýdara kän zat,
Aýtmazlyga bolsa ýekeje sözlem
"Uff ahyry dyndym"- diýmeklik üçin
On bir ýyl okadym, a bu gün diýmen.

Bu gün mekdep hakda aýdara kän zat
Söýmäge mynasyp ondan-da köpdük
Mugallym, direktor, garawul, bagban
Biz size bergidar, eginde köp ýük.

Bu gün mekdep hakda aýdara kän zat
Ýazylmadyk bolsa ýekeje kitap
Onuñ ady "DURMUŞ" ýazmaklyk üçin
Öñ bir bolsa, gerek indi iki tap.

Bu gün mekdep hakda aýdara kän zat
Ýekeje dileg bar bagş etmek üçin
"ÝOLUÑYZ AK BOLSYN KLASDAŞLARYM"
Ömri rowaçlykdyr ýoly ak kişiñ