Sahypasyn açyp uly durmuşyň,
Bu gün geljegime seretmekçi men.
Mümkin düşäýmegi başyma gyşyň,
Mümkin ömrüm geçer bahar-ýaz bilen.

Belki-de bir beýik şahyr bolaryn,
Belki ile mätäç-pahyr bolaryn,
Ýa-da öz derdine çäre tapmadyk,
Zöhräniň aşygy-Tahyr bolaryn.

Belli däl ýaş başly,ejiz ömrüme
Durmuşyň nähili derdi berjegi.
Ençeme islegden dolan göwnüme
Ýa şatlygyň ýa-da gaýgyň geljegi.

Emma näme bolsa şatlygym bilen
Ruhlanyp, şatlanyp, ýaşaryn menem..