Ýene saňa näme arzuw etsemkäm?!
Bu dünýäde näme barka üýtgeşik?
Aglama, aglasaň şatlykdan agla,
Bagtyň bagtlar içre gitsin utgaşyp"

Ýüregiň päkligi, ýollaryňa şugla,
Janyň saglygynda ýaşa bagtyýar,
Şadyýan keşbiňde görmäýin ünji,
Çünki, Geljek, Durmuş şatlyk eçilýär.

Ömrüňi ýaşagyn şeýle ajaýyp,
Älem-Jahan galsyn saňa haýrana,
Dostlaryň daşyňda misli perwana,
Geçsin günleň mydam toýdur-baýramda.