UNUTMALY EKEN

Gözlerim undupdyr, seniň keşbiňi,
Hakydamdan, uçupsyňa guş bolup.
Hyýalymda, döredip bir boşlugy
Şol boşlukda, ýitipsiňä düýş bolup.

Kalbymdaky duýgularym ölüpdir,
Alawlaýan yşgym, galdy yş bolup.
Boşap galan göwnüm üşäp, doňupdyr
Doňdurypsyň, aýazly bir gyş bolup.

Mylaýym sesiňi siňdiren ýürek,
Doňup, gatap galypdyr bir daş bolup.
Doňan ýüregimi eretmä derek,
Sesiň gözlerimden çykdy ýaş bolup

Undupdyryn, hatda seniň adyňam,
Gynanyp däl, gaýta göwni hoş bolup.
Unutmaly eken, ömür-bakylyk,
Galmaz ýaly, ýürekde bir goş bolup.

Baýramgeldi Täçmyradow