Ýakasyny tanadanda dekabr🥶🌬️❄️☃️🌨️
Ýakasyny tanadanda dekabr

Gideninde ýaz günleri öýkeläp,

Yzlary galanda meýdanda käbir,

Guşlar başarmandy sazyn gaýtalap.



Uzaga çekende gijeleň hökmi,

Gün dogmaga howlukmanka o diýen

Agaçlaň ýüregi doňmanka heniz,

Gyşyň sowgat beren ak donun geýen



Täze ýylyň ysy urup burnuňa

Bezelende toý begresli arçalar

Sowuk jana hoş getirip birneme

Açylandan garda galan gunçalar



Ak gyş, arzyly gyş, arzuwlanan gyş,

Eçilende alna gowulyklary

Ejemiň maňlaýna ýygyrt düşürip,

Edil şu gyş güni men doglupdyryn

Ogulnur PIRJIKOWA