BU GÜN SEN, ŞEÝLEBIR BAGTLY GÖRÜNÝÄŇ...

Bu gün sen, şeýlebir bagtly görünýäň,
Owadan ýylgyrýaň, mähirli gülýäň.
Seniň şatdygyňa menem begenýän,
Sebäbini, menden başga sen bilýäň.

Emma sen bilmeýäň, hallarym niçik,
Senli ýatlamadan, bilemok gaçyp,
Sen menden geçseňde, bilmerin geçip,
Muny bolsa sen bilmeýäň, men bilýän.

Uzaklardan, seň daşyňda aýlanýan,
Göýä perwana deý, yşgyňda ýanýan,
Ýöne sen nämüçin beýle tiz sönýäň?
Jogabyny men däl, diňe sen bilýäň.

Sen diýýäň: "Nesibe işidir pelek,
Kysmatda ýok bolsa, bary biderek"
Nesibäň üçinem, ymtylmak gerek!
Sebäp ony, ne sen, ne-de men bilýän.

Baýramgeldi Täçmyradow