NOÝABR

Bu şemal ýüregmi sypalap geçdi:
"Başyň galdyr, geçýän ömri duýa bir".
Köp wagt görüşmedik dostum mysaly -
Ýene - noýabr.

Gör, sary ýapraklar owsunyp gitdi,
Pynhan syryn açjak ýaly göýä bir.
Nämçündir, ýüregim gobsunyp gitdi -
Ýene - noýabr.

Hohha, gökde düzüm - düzüm durnalar
Ýazyp barýar täleýlerniň dowamyn.
Ýaşaýyş nähili täsin gurnalan,
Ýene - noýabr.

İlkinji jägildi... hüwdi sesleri...
Men sägindim, eşdip tanyş owazy.
Duşuşyklaň, ayralyklaň mesgeni -
Ýene - noýabr.

Author: Kakamyrat Rejebow