TOPARDAŞLARYM

Bu gün ýekelikde gaýnadym, joşdum
Sebäbin bilmedim, bir göwnühoşdum,
Siz üçin arzuwly bir goşgy goşdum,
Bäş ýyl bile okan topardaşlarym.

Nesip bolsa, dynyp barýas bäşi-de,
Öňki ýaly dawamyz ýok bäşe-de,
Bolup gitdik üzüm ýaly hoşada,
Düzüm-düzüm bolup topardaşlarym.

Sanlyja günlerden dynýas okuwy,
Onsoň bizden soran bolmaz sapagy,
Alnyňyzda dogsun, bagtyň şapagy,
Size nurun çaýsyn topardaşlarym.

Diplom alyp gitsek, her ýana dagap,
Jemlän bolmaz bizi, dekan deý sanap,
Habarlaşyp duruň jan-saglyk sorap,
Ýitip gitmaweriň topardaşlarym.

Heriňiz bir maşgala gurarsyňyz,
Işe girseniz, işli borsunyz,
Bize baryp duruň Mara barsaňyz,
Öýüm ýoluň ugry topardaşlarym.

Goý, herkim bir ýeriň başlygy bolsun,
Rysgal, döwlet siziň öýňüze dolsun,
Nesip, depäňize bagt guşy gonsun,
Bagtyňyz daş ýarsyn topardaşlarym.

Gyzlar bolsun, eli hyzmat çäýnekli,
Gelinleň elleri bolsun bäbekli,
Oglanlar öýüne barsyn aýlykly,
Myrada ýetiň siz topardaşlarym.

Şeýle arzuwlary kalba gaplalyň,
Arasynda bir-biregi ýatlalyň,
Şuny ýazan şahyram unutmalyň,
Meniň bile okan topardaşlarym.

Baýramgeldi Täçmyradow