SEN SÖZ BERMEDIŇÄ...

Sen söz bermediňä, aldaryň ýaly
Ýöne, meniň sözlerimem almadyň,
Sen söz bermediňä, aglaryň ýaly
Neçüýn bu gün meni görüp agladyň?

Sen söz bermediňä, gitmerin diýip
Söz bermediň, meň bilenem galmadyň
Pikir etme ýalňyz galandyr diýip,
Men sensiz bolsamda, ýeke galmadym.

Ýeke däldim, elmydama sen bardyň,
Sen meň yüreğimde dörän salgymdyň,
A men bolsam, şol salgyma ynanyp
Kebelek deý seň daşyňda galgadym.

Bu gün bolsa ganatlarmy ýitirdim,
Alaw bolup ýakdyň, meni awladyň,
Sen söz bermediňä, aglaryň ýaly
Ýöne, neçüýn meni görüp agladyň?

Baýramgeldi TÄÇMYRADOW