«YouTube»-den giň möçberli täzelenme
Ählimiziň bilşimiz ýaly, «YouTube» – wideo-hosting hyzmatlaryny hödürleýän meşhur hyzmat ediji bolup, ol ulanyjylara dürli wideolary goşmak, görmek we teswirlemek mümkinçiligini berýär. «Tech.news»-iň bellemegine görä, «YouTube» ykjam, web we teleýaýlym programmalary üçin birnäçe täze funksiýalary öz içine alýan giň möçberli täzelenme çykardy.

Onuň esasy üýtgeşmeleriniň biri sesiň çykyş tizligine has takyk gözegçilik etmekdir. «YouTube» ulanyjylary mundan beýläk täze tizligi dolandyrmak menýusynda + ýa-da – nyşanlaryna basyp, 0,05x ädimde tizligi artdyryp ýa-da peseldip bilerler. Ýatlap geçsek, ozal sesiň çykyş tizligini diňe 0,25x ädimde üýtgedip bolýardy.

Ýene-de bir möhüm täzelenme bilelikdäki pleýlistleri döretmek ukybydyr. Ulanyjylar öz suratlaryny miniatýura hökmünde goşup biljek ýa-da tekst gözlegine esaslanýan miniatýura döretmek üçin «YouTube»-niň GenAI guralyny ulanyp bilýän başga bir ulanyjy bilen baglanyşyk sanawyny ýa-da QR koduny paýlaşyp bilerler. Şeýle-de «YouTube» ähli ulanyjylar üçin ozal «Premium» abunasy bilen elýeterli bolan «YouTube» uky wagty funksiýasyny goşdy. Umuman, täze girizilen düzgün, ulanyjylara redaktirlenen ýa-da sintetirlenen materiallardan asyl ýazgylary tapawutlandyrmaga kömek etmek üçin niýetlenendir.

«YouTube» taslamasy 2005-nji ýylyň fewral aýynda San-Bruno, Kaliforniýada «PayPal»-yň üç öňki işgäri tarapyndan döredilendir.

«TürkmenGazet».