Yzyma seretmän gaçýan, ynansaň,
Baryp gujaklanym kölegäm bolýar.
Gülýän jaý ýerinde, dymlanda dymýan,
Soragdan ýadamsoň:
“Saňa näm bolýar?”

Men bu adamlardan näme isleýän,
Garaşýan sebäpsiz gapymy ýapman.
Olaň arasynda özüm ýitirýän,
Ýigrenýän olary özümi tapman.

Söýgim ýüregimde ýapraga dönen,
Olar gaçmak üçin garaşýa gyşa.
Şonda-da, özümde nägilelik ýok,
Aýdýanlarym meňzese-de nalyşa.

Çaga gülkisine aýňalýan birden,
Ýene duýgulardan oýarýa aklym:
Şunça möhüm meseläniň içinde
Sen bu hassalygy nireden tapdyň?!

Gurbanmyrat Meredow