Biz, bile ursakda mydam gadamy,
Sen mende galmarsyň,
men galman sende.
Biz, herimiz başga dünýäň adamy,
Sen-ä gul eýesi,
men bolsa bende.

Düşünýän, wah, nätjek?
Ýazgytdyr-da bi.
Seni-hä sag, meni bolsa sol eden.
Ykbal atymyzam yzagalagrak
Bizi gamgyn, ili bagtyýar eden.

Dogry, ýollar aşyp barýas bile biz,
Ýöne geçen menzillermiz deň däl-dä.
Seň nazaryň bilen başlangyçda biz,
Meň gözümde bolsa ýetdik, bir pellä.


Amangeldiýew Durdymyrat