IDEALLIDER-iň toplan täsinlikleri 34.

306. Gadymy gresiýada söýgüňi bildirmek üçin, söýeniň öňüne alma oklaýmaly eken. Eger ol almany alsa onda söýgüňizi kabul edilendigini aňladypdyr.

307. 2017-nji ýylyň Noýabr aýynda, milýarder Li Kaşin, Gonkongdaky özüne degişli bolan "The Center" atly binany 5.15 milýard dollara satdy. Bu dünýä boýunça taryhdaky binagärlik söwdasynyň iň ulusydyr. Bu bina 1998-nji ýylda 385 milion dollar diýilip bahalanypdy.

308. 2014-nji ýylyň awgust aýynda Rossiýanyň Ýakuti etrabynyň Olom obasynyň ýaşaýjysy 4 ýaşly çaga Karina Çikitowa tokaýda ýitýär we özüniň öýlerinde saklaýan adaty öý güjügi bilen diri galýar. Gözleýjiler(Волонтеры) gyzjagazy ahyry 12 günden soň, 30km² gözläp obadan 6km uzaklykda tapýarlar. 12 günüň içinde gyzjagaz diňe miweleri iýip çeşmelerden suw içipdir. Agşamlaryna uklanynda bolsa wepaly güjügi ýyladypdyr. Çaga ýiteninden, açlygyndan-ölmän jany sag tapylmagy seýrek duş gelýän ýagdaý. Adatça eýýäm 4 gije-gündizden soň adamlar çagany "öldi" hasaplap jeset gözläp başlaýarlar. Bu ýagdaýdan soň Karinajyga adamlar "Maugli" lakamy berýärler.

309. 1931-nji ýylda zoopsihologlar Uintrop Kellogg we onuň aýaly Lýuella maýmynlary adamlaşdyrmak(gumanizasiýa) maksady bilen barlag geçirdiler. Ýagny olar 7 aýlyk "Gua" atly gyz-şimpanzeni öz maşgalarynyň arasyna alyp, oňa öz çagalary bolan 9 aýlyk Donaldyň ýanynda öz-çagalary ýaly edip sakladylar. Gua bilen Donaldy hiçzatdan tapawutlandyrman terbiýelediler. Ýagny birmeňzeş geýindirdiler, nahar berdiler, suwa düşürdiler, okatdylar. Donald we Gua edil aralaryndan suw geçmez doganýaly boldular. Emma näçe jan etselerde 9 aýdan soň, maýmyny adam etmek barlagy başa barmady. Donald, ýagny psihologlaryň öz çagalary akyl-taýdan öz deň-duşlaryndan bahym yza galyp başlady we şimpanzeniň köp endiklerini özleşdirip başlady. Bu ýagdaýda 5 ýyl geçirilmeli barlagy tamamlaman 9 aýda bes etmeli boldylar. Netije: Aňly-düşünjeli jandary(1), özünden pes jandar(2) bilen bile saklanylsa, aňly(1) akyllanmaz, tersine başgalar bilen deňeşdirileninde özi ýalylardan aşakda pes gömük bolar.

310. Amerikan abstraksionisti Barnet Newman-yň 1961-nji ýylda "Black fire 1" atly çeken suraty, 2014-nji ýylda Nýu-Ýork şäheriniň "Christies" auksionynda 84,2 milion dollara satylýar. Men bilgeşleýin surat barada hiçzat aýtjakdäl, google-da ýazyp görmegiňiz üçin. Internetden gözläp şol suraty görüň. Bahasyna degýän surat. Haýran galarsyňyz emma bu hakykat.

Toplan: IDEALLIDER.