Ýyldyzlary kim kakdyka asmana,
Kimkä Aýy şol agladan ýöreden?!
Käbir adamlary küýsedip ýene,
Asyl, kimkä gijeleri döreden.

Düýşlerimiñ derwezesi açyk dur,
Emma weli oña asla gelen ýok.
Köçä çykdym,
Aý nuruny saçyp dur,
Bu gije ygyp ýören ýelem ýok.

Bilmen häzir haýsy ýurduñ çäginde,
Gije bilen gündizligiñ serhedi.
Gijäñ şeýle ýürekgysgynç çagynda,
Parahat uklapdyn ,,Parahat - 7".

Bisalgy ädimim.
Ýollan arkasy.
Uly köçe. Ýol belgisi. Duralga...
Adam şu zatlary ulanman gurýar,
Kalpda bir-birege ýoda guranda...

Ukusyz gijeden takatyñ gözläp,
Gyýylýarsyñ, geçenlere ökünýäñ.
Emma geçen ýollarmyzyñ ahmyry,
Didelerden geljegmize dökülýär.


- Seýran Seýitmämmedow