Ezizim, ýör, gideli-le...
Gerek däl-ä, boýnuň burmak!
Bilseň, günleň arzuwydy,
"Bagt" diýip, seni gowşurmak.

Soňumyz hiç bolmaz öýdüp,
Iýseň-de sen gulak-etim.
Kino ýaly görkezjek men,
Kalbymdaky muhabbeti.

Wah, şonsuzam ýetik ahyr,
Aýralygy sary güýziň.
Erte güne ynam goýup,
Gadryny bileli düýniň.

Agymyza seretmez wagt,
Ýyllar söýmez çagalary,
Elden süýjümizi, alsa bermez-ä!
Ýa aýralyk gitsin, ýa-da biz gideli
Barsagelmeze...

Ylham GURBANALYÝEW