Bir mahal

Meň sözlerim wah saňady bir mahal,
Bir mahallar ýylgyrşyňa aşykdym.
Ýollar sensiz juda yadatdy meni,
Geljekden has geçmişime ajykdym.

Aç bolsa-da özüň bilýäň adamyň,
Ne ugry bar, ne ýoly bar gitmäne.
Öňküler deý howlugammok şindiler,
Sen hakdaky goşgularmy aýtmana.

Aýdylmadyk goşgym bolup ýaşarsyň,
Mundan soňra gursagymda her haçan.
Ýüzüme urýalar doň ýürekligimi,
Emma gör nähili aşykdym-a men
Seni söýüp ýaşaýarkam bir mahal.

Tirkiş Sapbyýew