Men entek oýa däl...

Men entek oýa däl,
Ajaýyp wagtym.
Bagtym,
Maña özüni müwessa bildi.
Düýşüme garyşyp,
Siñdi.
Bir oñaýsyz aladany bagş edip,
Gowşadyp,
Tagaşyksyz göwrämi,
Gije bolup gaplap alan döwrämi,
Garalygy - ,,AK" görkezen gözlerim.
Ak dañdana syn etmäge howlugyp,
Görşüm...
Ýörşüm...
Asmana hiññildik ýasap,
Tanapyny unudan özüm..
Batyp galan,
Çykalgasyz batgadan...
Harplaryñ daşyny tämizlän sözüm...
Mahabatyn bermegini unudyp,
Tenekar janymy,
Ilbize deñäp...
Süýt ýaly dünýäni syn edip,
Gan reñkine guýup,
Göreçlerimi.
Küýkeren duýgulam,
Ýekesireýärkä!
Ýekelew geçmäge howlukýan ömrüm.
Çabalanyp aglaýarka
Gök asman!
Haraý isläp, çar taraba ýüz urdum.
Ownuk şarpyk çaldym,
Şarpygyn iýdim.
Iýen umytlarym,
Urulan men däl.


Awtor: Remezan Mämetgurbanow