ÝAŞLYKDAN ÝATLAMA

Obamyzda biten bägül mysaly,
Kalbymyň bilbil deý saýran mahaly,
Çümdüň gursagyma bir tiken ýaly,
Ugruňda ýüregmiň girýan mahaly.

Ol wagtlar soňky mekdep ýylymyz,
Çagaňky ýalydy biziň aňymyz,
Goparaýjak ýaly tutan gülümiz,
Arzuwlaryň döwran sürýän mahaly.

Bolsada ýüregmiz, çagaňky ýaly,
Şol çaga ýürege, apat mysaly,
Sen girip ornaşdyň, giňeldi haly,
Ýüregmiň darygyp urýan mahaly.

Şondan bäri ýüregimde göterip,
Bu syr bilen, kalpda arzuw ataryp,
Gezerdim daşyňdan saňa guwanyp,
Oglanlaň daşyňda werwaz mahaly.

Ýetmedik bolsamda, on sekiz ýaşa,
Duýupdym, söýginiň degenni başa,
Diňe sen girýärdiň her gije düýşe
Gözelleriň düýşe girýän mahaly.

Şeýdip soňky ýyly tamamladyk biz,
Misli geçen ýaly bir gije gündiz,
Iň esasy mekdep öňdedi heniz,
Oglanlygyň galyp barýan mahaly.

Sen okuwa girdiň nesibäň çekip,
Menem girdim, nesibämiz deň çykyp,
Ykbal aty barýan eken deň çapyp,
Pelek öz çarhyny aýlan mahaly,

Okuwa girenňi bilen halatym,
Begenjime gökde gaýýan ýalydym,
Şol günler sen maňa durmuş salydyň,
Bagt deňziniň joşa gelýän mahaly.

Sebäbi okuwa giripdik bile,
Okuw jaýlarymyz, bir däldi diňe,
Gül keşbiňi günde görerin diýe,
Geldim Aşgabadyň güllän mahaly.

Geldim gözel paýtagtymyň goýnuna,
Seni günde görmek isläp, tolguna,
Seret ahyr bu ykbalyň oýnuna,
Aşyk göwnüň göge galýan mahaly.

Göwnüm ýyldyz deýin, süýnüpdi gökden,
Okuwda bolmazdy, çykmaklyk çäkden,
Men şäherde, senem çetde şäherden,
Aralygyň aýra salýan mahaly.

Hä diýmänem, başlanypdy okuwmyz,
Başlapdy ilkinji talyplyk ýylmyz,
Saralyp başlapdy sagy-solumyz,
Aýralyk paslynyň gelýän mahaly.

Bir gün geçdi, geçdi, iki gün, üç gün,
Soňra hepde geçdi, aý geçdi göçgün,
Kem-kemden artýardy gursakda uçgun,
Ýapraklaň saralyp solýan mahaly.

Bagdan täneninde, iň soňky ýaprak,
Başardypdy maňa belgiňi tapmak,
Ýöne başartmandy saňa jaň etmek,
Ýygralygmyň ýüzüm alýan mahaly.

Jaň etmän ýazypdym seniň belgiňe
Jogap geldi, ýöne, ýazan sen dälde
Ejeň eken. Muny biljegem dälde
Bildim onuň özi aýdan mahaly.

Aradan geçirip sähelçe wagty,
Jaň etdiň, garaňky dünýäm ýagtyldy,
Ýene gaýdyp berdiň, sen maňa bagty,
Ýüregmiň ör gökden gaýdan mahaly.

Gürleşip gidipdik, şeýdip şondan soň,
Güýz geçip, gyş geldi, ýaz geldi onsoň,
Men seni görmekçi bolupdym soň-soň,
Birinji ýyl dynyp barýan mahaly.

Görmäge baramda seniň okuwňa,
Eýýäm gaýdan ekeniň sen obaňa,
Birdenem ýel ösdi, meniň howama,
Şemal sensizligi garýan mahaly.

Ynha, bir ýyldan soň gelipdim öýe,
Garşy alypdylar gujaklap, söýe,
Düşmejek ýalydym sen hakda oýa,
Öýdäkileň gujak gerýän mahaly.

Bir aýlap obamda gezdim dynç alyp,
Senli umytlarma arzuwlar salyp,
Seni görsem, aljyrardym tolgunyp,
Yşk heserniň jana degýän mahaly.

Sen bilýänem dälsiň munuň sebäbin,
Nirden biljek?! Söz aýtmasa söýýäniň,
Kyn ekeni, diýmek: "Seni söýýärin"
Şol sözde dilimiň dyglan mahaly.

Aýdyp bilmän, saňa söýgi sözlerin,
Gözleriňden, gaçyrardym gözlerim,
Dymyp, diňläp durardym seň sözleriň,
Her sözüň ýüregme derman mahaly.

Bir aý geçenden soň gaýdypdym öýden,
Gaýdypdym okuwa gözel Marydan,
Günün sanap aý geçipdi aradan,
Wagtada tiz geçmek perman mahaly.

Bolduk, şeýdip ikinji ýyl talybam,
Talyp bolup, bolduk söýgä galybam,
Beterleşip gitdi aşyk halymam,
Söýgiň maňa duzak gurýan mahaly.

Ýenede bir ýyly geçirdim sensiz,
Saýramasy galan, bilbil deý gülsiz,
Gezekleşip güýz, gyş, ýaz geçdi sessiz,
Gyzgyn tomus gelip gaýnan mahaly.

Geçdi bu tomusam ot, alaw deýin,
Menem içip ýörün, şol söýgiň meýin,
Saňa söz aýtmagy etmezdim meýil,
Käbir zatlaň böwet bolýan mahaly.

dowamy bar...