Hakydamy geçmişime aýlaýan,
Şatlykmy, gussamy-
Düşnüksiz duman
Wagt hasyly sowurupdyr harpygyn
Diňe ýatlamalar galypdyr aman.

Golaýma getirýan çagalygymy
Baglarda guşlaryň sazyny diňlan
Juda oňat günler ýadyma düşyär
(Özgesini ýatlamaga çekinýän).

Tez maralyň saýasyna çalymdaş
Saklap bormy ötüp barýan ömri heý
Ýüregimin törüne adyny goýup
Söýgüm galdy kebelegiň ömri deý.

Käte ganat baglap Asmana uçýan
Soňam kelemenlap gaçýan Zemine
Şatlygyň nikabyn geýipdir gussam
Ýüzümde ýylgyryş, göwnümde kine.

Geçeniň alnynda bulaşyp ýatyr
Sogabym, ýazygym, günä, etmişim
Başga zat owarram,
Diňe özümi
Çekeleýärin ellerinden geçmişiň.

İlmyrat Babaýew