Ukusyz gündiziñ ýürek urgusy...

Ukusyz Gündiziñ ýürek urgusy,
Asmanyñ ýygyrt düşen ýüzünden...
Ýyldyzlaryñ özün ýere urmasy,
Şapak bolan Güniñ argyn deminden...
Suratçy pasyllañ, boýagyn pürküp...
Rahat gijeligiñ ünsüni bozup,
Gam, alada imrikdirýän säherleñ...
Irikdirýän,
Şadyýan guşlañ jürk-jürkün..
Gulagymda saz bolan, sagadyñ zañyn..
Aýyñ täsirine ukuda gezmäm..
Illeñ gybatynda syrymy gizlän...
Jogabyny gözläp gelmedik jañyñ..
Ruhuma doga edip ýüzüne sylan...
Äsgermedikden, ýa meni sylan...
Ýakymsyz gülkime,
Nepsiz pikirden,
Kirlän ýüzi galñap,
Utançdan galan...
Namysdan...
Göriplik edýän gözlerden..
Gözi gidýän gyzlardan...
Men ýaltalygymy paş edýän,
Dünýäniñ habaryny paýlaşyp duran...
Köçeleriñ tozan soran demini,
Mejbur bolup, gözelligiñ baryny,
Taşlap,
Men durmuşy gözleýän...


Remezan Mämetgurbanow