«Gelen çagyň bahar, giden çagyň gyş,

Ähli zat buz ýaly sowaýar, ynan!»

Sen sözlerňi gaýtalaýaň ynamly.

A men ol sözlere edemok ynam.


Geň galyp, ýüzüňe bakýan düşünmän.

Diýjek bolýan «Seniň bu sözleň ýalňyş».

Sen ne-hä diňleýäň, ne-de bir dymýaň,

«Gelen çagyň bahar, giden çagyň gyş».


Pikir edýän, «Nädip, beýle tebigat,

birje adam üçin üýtgäp bilýärkä?!

Onsoňam, men «gyş» diýip, «gar» diýip heläk.

Ol nämüçin men gidemsoň gelýär-kä?!»


Aýgül Garaýewa