Abat_
23.09.2024 20:53
Aşyr Hanow
Görüp bolsa, bagta sebäp kän eken, Geldiň gussalarym öňküden ýuka. Uzak hasrat çekip boljak däl eken Näz doly sözleriň siňýärkä ruha.
Gökden ýer peýleýän, bolup uçmakçy, Yere hiç sygamok (ýalňyş oýlama!). Bedenim dowzahlyk, köňlüm uçmahçy, Gülüp, mugthor hasratlary jaýlaýan.
Sesini eşitsem, serim sämemiş, Her gülkiňde millionlarça şygyr bar. Öýkejikler, kinejikler nämemiş, Biz olary kowalarys owarra.
Arzuwym, maksadym jem boldy sende, Ylham alýan gara gözleň odundan. Ykbala minnetdar bolýan her günde, Hem seniň adyňdan, hem öz adymdan.
Sapa HOMMADOW
