Men ony söýmändim. Söýmek hakynda
Pikirem etmändim. Söýüpdi özi.
Özi, özi, özi! Onsoñ men söýdüm.
Soñy näme boldy?
Agyrdy yzy.

Ýöne öñde-soñda aýtmaly bolsa,
Aýdylmagy gerek. Galmasyn kaza:
Söýülenim,
emma söýmänim üçin
Ol maña beripdi şeýle bir jeza,
Şol jezañ astynda çekilen jepañ
Näçe tonnadygyn
bir ýürek aýdar.

- Dünýäniñ ýüzünde iñ betbagt kimkän
- Söýülen mahaly söýmedik ynsan.

K.GURBANNEPESOW.