Ýaponiýa iň köp uzak ýaşlylaryň ýaşaýan ýurdy diýlip yglan edildi.

Ýaponiýa ömrüň dowamlylygy boýunça rekord goýdy, häzirki wagtda ýurtda 95 müň sany uzak ýaşly adam ýaşaýar diýip, bu ýurduň Saglygy goraýyş ministrligine salgylanýan «MIR 24» ýazýar.

1-nji sentýabrdaky ýagdaýa görä, Ýaponiýada 100 we ondan ýokary ýaşly 95 müň 119 adam ýaşaýar. Bu bir ýyl mundan öňdäkiden 2980 adam köpdür. Şunda uzak ýaşlylaryň 83 müň 958-si zenanlardyr.

Ýurtda şeýle hem ýaşy 65 we ondan ýokary bolan adamlaryň 36,25 milliony hasaba alyndy. Bu ilatyň umumy sanynyň 29,3 göterimidir. Bu görkeziji babatda Ýaponiýa ilaty 100 müňden geçýän 200 ýurduň we sebitleriň sanawynyň başyny çekdi.

Saglygy goraýyş ministrliginde gartaşan adamlaryň sanynyň artmagynyň saglygy goraýşa we durmuş hyzmatlaryna çykdajylaryň artmagyna getirýändigini bellediler. Şeýle hem işleýän ilatyň sany barha azalýar.

Bu meseläni çözmek üçin häkimiýetler pensiýa ýaşyny ýokarlandyrýarlar diýip, «Europe1» teleýaýlymy habar berdi.

Turkmenportal