Hindistanyň ştatynda ýokanç sebäpli örtük düzgüni girizildi.
Hindistanyň günortasyndaky Kerala ştatynfa howply Nipah ýokanjy sebäpli agyz-burun örtügi düzgüni girizildi.
Ýerli häkimiýetler bu düzgüniň 23 ýaşly talyp hassahanada ady agzalan ýokançdan aradan çykandan soňra girizilendigini habar berdi. Barlaglaryň ikisi onda Nipah wirusyny tapdy. Häzirki wagtda saglygy goraýyş edaralarynyň işgärleri ýaş ýigidiň gezen ýerlerini we gatnaşyk edip biläýjek adamlaryny öwrenýärler.
Ştatda köpçülikleýin çäreleri geçirmek gadagan edildi, teatrlar we bilim edaralary ýapyldy. Ýerli ýaşaýjylar howpsuzlyk çärelerini berjaý etmäge borçly edildi diýip, «NDTV» teleýaýlymyna salgylanýan «MIR 24» ýazýar.
Nipah ýokanjy ilkinji gezek 1998-nji ýylda Malaýziýadaky doňuzdarçylyk fermalaryň birinden tapyldy. Soňra Singapurda, Hindistanda we Bangladeşde bu kesel möwjedi. Ýokanç adama haýwanlardan geçýär. Kesellän adam hem öz nobatynda beýleki adamlara ýokuşdyryp bilýär. Ýokançda ölümliligiň derejesi 90 göterime ýetip biler diýip, lukmanlar belleýärler.
