Bu ýaglyk dideleň röwşen nurumy
Gyz göwnüniň didarymy bu ýaglyk?!
Gudrat bilen,ýar,ýaglyga döndümi
Joşgun dilimizi bagladan ýaşlyk.

Ýa bu söýgüň göze görnen ruhumy,
Akdyran ýaşymy nerkes gözleriň?
Şu ýaglyk,
şu ýaglyk...
Şu ýaglyk dälmi?
Ejap edip aýtman giden sözleriň?!

Keşdeleri yşkyň pynhan dilinde
Ýürekden ýürege ýazylan hatmy?
...Ah,men söýgä düşünmändim gelende
Indi weli ol söýgi däl
Sungatdy...!

Nobatguly Rejepow