Ynsanyň bezegi: ahlak hem edep,
Biziň dünýämizden dep bolmawersin.
Ädim gyşyk ädilmesin, ädilse –
Daşynda goldawy köp bolmawersin.

Wezipe çekilse beýik bir ýere,
Süýthorlyk hiç haçan gelmesin sere.
Duzy bolmasa-da aýdylan söze,
El çarpyp goldaýan köp bolmawersin.

Gelmesin jahana ikinji Karun,
Ýurduň ýolbaşçysy bolmasyn zamun.
Hökmüni ýöretsin döwletde kanun,
Düzgün bozulmalar köp bolmawersin.

Çekip gezdik mydam: döwrüň keşgini,
Garalygny bukup, bezäp keşbini.
Nebsine gul bolup, halal kesbini,
Harama bulanlar köp bolmawersin.

Başga-da zatlar köp, aýdyp durmaýyn,
Özümi, sizi-de derde goýmaýyn.
Jahyl pikirlermi goşga çyrmaýyn
Bimany jümleler köp bolmawersin.


Amangeldiýew Durdymyrat