Gitdiň kakam, gelmez ýola ugradyň,
Damja bolup gözlerimde guradyň.
Köne albomdaky galan suratyň,
Indi ýüregime melhem boljakmy?!

Kalbymda döredip arktikaň garyn,
Dertlerimi doň ýürege bukýaryn.
Dogan-gardaş jigi üýşürsem baryn,
Birleşende seň bilen deň boljakmy?!

Biribar eçilsin ýüregme giňlik,
Sensiz ýaşaýyşam göýä bir ýetimlik.
Başyma inipdir ynha ýetimlik,
Heý-de halym mundanam teň boljakmy?!

(teň - teňňe).

©️Merjen Meredalyýewa