Çykyp bilmen täsin bakýan,
Gara gözleň täsirinden.
Bol hasyla garaşylýan,
Arzuwlaryň ýesiri men.

Her ýerinden ýaralanan,
Bölek-bölek umytlarym.
Beýnimiň içine gaçan,
Ýylgyrşyňy unutmaryn.

Täleýimiz bagtymyzy
Kesişdirse bir nokatda,
Baglamasa ýolymyzy
Aýralyk atly böwetde,

Guramasa şahalary
Ömür atly daragtymyň,
Gymmat bolar bahalary,
Miwesi datly, bagtymyň.

Gel! Bile ýollar aşaly,
Ýyndam ýyllaň huzurynda.
Gel! Çemen goýup gaýdaly,
Aýralygyň guburynda.

Amangeldiýew Durdymyrat