Amanat janymdan umyt üzüler,
Ezraýyldan gelen güni çakylyk.
Akmak men, dünýäniň panylgyna,
Öýdüpdirin hemişelik, bakylyk.

Garaşaryn, hem-de göreşerin men,
Salgysyn hiç haçan ýalňyşmaz ajal.
Ylahy zatlara jedelim bolmaz,
Hakyň ýalňyşany görlüpdir haçan.

Ylham joşan wagty goşup harplary,
Bir söz bilen müň ýürege ýeterin.
Ýazaryn men pikirlermiň harplygyn,
Sözlere geçmänkäm baky ýiterin.

Çaň basyp, könelip galan depderim,
Irde-giçde alyp okasa biri,
Ruhum janlansa göznüň öňünde,
Müň ýyl soňam bolsa, ýene men diri.

Imansyzlykdan hem körzehinlikden,
Gorkýan, gassap gören goýun mysaly.
Iki setir sözüm siňse aňlara,
Aklygym şol, arzuwlarmyň wysaly.


Amangeldiýew Durdymyrat