Haldan gaçyp, dyz epilse,
Dişler dökse, artsa gasyn.
Käte düşnüksiz geplese,
Ejäň ýüzi alynmasyn.

Ukusyz daňlar atyran,
Ýoluňa garap oturan.
Ömrün sen diýip ötüren,
Ejäň ýüzi alynmasyn.

Alsa ýyllar onuň badyn,
Ýitiräýse huşun, ýadyn.
Birden ýalňyş tutsa adyň,
Ejäň ýüzi alynmasyn.

Çalt ýöreseň eýgermese,
Bükülen bil beýgelmese.
Göreşleri saýgarmasa,
Ejäň ýüzi alynmasyn.

©️Şanazar Hydyrow