Äýnek barada biläýmeli zatlarymyz
Ilki görüş ukyby peselen adamlaryň görmegini ýeňilleşdirmek üçin döredilen äýnekler wagtyň geçmegi bilen has hem kämilleşdirildi. Häzirki wagtda günüň ýiti şöhlesinden, kompýuteriň ekranyndan göreçlerimizi goramak üçin äýnekleriň dürli görnüşleri bar. Ilki-ilkiler äýnegi oýlap tapan adamlar onuň ýasalyşyny syr saklamaga çalşypdyrlar. Emma bu olara başartmandyr.

Alymlaryň tassyklamagyna görä äýnegiň aýnasy mundan 4500 ýyl ozal oýlanyp tapylypdyr. Miladydan öňki 1000-nji ýyllarda lupa hökmünde ulanylan taryhy tapyndylar ýüze çykypdyr.

Ilkinji äýnek dükany 1783-nji ýylda ABŞ-yň Filadefiýa ştatynda Frensis Mak Alister tarapyndan açylypdyr.

Taryhda ilkinji äýnek 1280-nji ýylda Armati atly italýan fizigi tarapyndan oýlanyp tapylypdyr.

Häzirkizaman äýnegiň ilkinji görnüşini Rojer Bekon oýlap tapypdyr. Belläp geçmeli zatlaryň biri hem ilki bu aýnek el bilen tutulýan “Iorgnette” görnüşinde bolupdyr.

1730-njy ýylda Edward Skarlet gozganmaýan äýnek sapyny oýlap tapypdyr. Şeýlelikde, ilkinji äýnek oýlap tapylandan 350 ýyl soň ýüzüň ortasynda durýan görnüşe getirilýär.

Cesme: Turkmengazet