Gideňden bäri,
Duýgularmy iteňden bäri
Indi hiç zat geň bolanok
Deň gelenok irdenki sözüm bilen agşamky sözüm
Özüm bilen özüm uruşýan
Synanyşýan,
Ýatlamalary ýassyk basyp öldürmäge.
Synanyşýan ýaralaryma köz basyp bitirmäge.
Seni ýitirmäge
gorkuşym ýaly,
Gorkulaň bary
gorkuzmady meni
Seni
Söýüşim ýaly söýdümikä Mežnun
Päk niýetlerimi aýyrmaz melgun
Bir gün däl, her gün
göreşýän däli
Güneşem häli
söz berip gitdi ertir geljegine
Senem eliňi ber geljegime...

Ylham GURBANALYÝEW
11.09.24 02:30